Aýa raıy
Astana -20 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda eki saýda oıyn-saýyq ortalyǵyna aıyppul salyndy

2020 jyldyń 30 qazan 2020 16:02

ALMATY. QazAqparat – Almaty bas sanıtarlyq dárigerdiń qaýlysyn buzǵany úshin eki saýda oıyn-saýyq ortalyǵynyń basshylyǵyna aıyppul salyndy, dep habarlaıdy QazAqparat tilshisi.

«Olardyń biri Almaly aýdanynda M.Maqataev kóshesinde ornalasqan «MEGA Park» saýda oıyn-saýyq ortalyǵyna 2 222 400 teńge kóleminde aıyppul salynsa, Bostandyq aýdanynda Rozybakıev kóshesinde ornalasqan «MEGA Park» saýda oıyn-saýyq ortalyǵyna 2 222 400 teńge kóleminde aıyppul salyndy», - dedi departamentten.

Odan bólek 29 qazanda monıtorıng toptary 73 tekserý júrgizgen. 18 nysanda zańbuzýshylyq tirkeldi. Atap aıtqanda, maska rejımin buzǵany úshin 15 ákimshilik hattama toltyrylyp, 625 050 teńge kóleminde aıyppul salyndy.





Alataý aýdanynda birqatar qyzmet kórsetý oryndary, sán salony, dúkender, avtojýý oryndarynda sanıtaızerler joq bolyp shyqty.

Almaly aýdanynda «Easy Lounge» kalıan ortalyǵy men «Infinity» túngi klýbynyń jumysyna ýaqytsha tyıym salyndy.

M.Áýezov aýdanynda «Motor» bary, Raıymbek dańǵylyndaǵy 496a/7 mekenjaıyndaǵy «Optovyı hımıkat» ǵımaratynda qyzmetkerler maska taqpaǵan.

Túrksib aýdanynda «Sensazııa» kafesinda banket bolǵan.





Naýryzbaı aýdanynda «Іńkár sezim» dúkeninde maska rejımi buzylǵan.

Jetisý aýdanynda «ıAlıan» jáne «ıAlıan-2», «Baısat» bazarlarynda qyzmetkerleri men kelýshilerde de maska joq. Sanıtaızerler joq.

Bas sanıtarlyq dárigerdiń qaýlysyndaǵy sharttardy buzǵan kásipkerler QR ÁqbK 425-babymen ákimshilik jaýapkershilikke tartylady.











Joǵary qaraı