Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda eki birdeı ǵımaratqa «bomba qoıǵan» turǵyn sottaldy

2020 jyldyń 17 qarasha 2020 22:08

ALMATY. QazAqparat - Almaty ákimdiginde «bomba bar» dep polıtsııaǵa jalǵan habar bergen turǵynǵa úkim shyqty, dep habarlaıdy QazAqparat.

Almaty qalasy Bostandyq aýdanynyń №2 sotynda Qylmystyq kodekstiń 273-baby boıynsha qylmys jasaǵan M. atty azamattyń isi qaraldy.

M. sot úkimimen 2 jyl 6 aıǵa bas bostandyǵynan aıyryldy. Ol jazasyn qaýipsizdigi ortasha túzeý mekemesinde óteıdi.

Aıta keteıik, M. osy jyldyń shilde aıynda mas kúıinde jumysynda otyryp, óziniń uıaly telefonynan «112» qutqarý qyzmetine qońyraý shalǵan. Sóıtip ákimdiktiń ǵımaratyna jarylǵysh zat qoıylǵanyn habarlaǵan.

Sonymen qoımaı, ol 10 tamyz kúni keshkisin taǵy da mas kúıinde 102 qyzmetine habarlasyp, Bostandyq aýdandyq polıtsııa bóliminiń ǵımaratynda bomba bar ekenin aıtqan. Osylaısha, jalǵan aqparat bergen.

M. óziniń zańǵa qaıshy is-áreketimen memlekettik jáne quqyq qorǵaý organdaryna 124 079 teńge kóleminde materıaldyq zııan keltirgen.

Aıypty sot protsesinde kinásin moıyndap, istegen isine ókinetinin jetkizdi.

Sot úkimi zańdy kúshine engen joq.


Avtor Janat Qapalbaeva
Basty sózder: Sot, Zań, Almaty, Oqıǵa,
Joǵary qaraı