Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Bıýdjetke qatysý» jobalaryna daýys berý bastaldy

2021 jyldyń 23 qazan 2021 15:01

ALMATY. QazAqparat - 21 qazan men 9 qarasha aralyǵynda «Bıýdjetke qatysý» qalalyq jobasy aıasynda Almatyny abattandyrý boıynsha turǵyndardyń usynystaryna daýys berý ótedi, dep habarlaıdy QazAqparat tilshisi.

«Bıýdjetke qatysý» jobasy boıynsha ótinim jınaý 28 tamyzda bastaldy. Jalpy soma 6,4 mlrd teńge. Ár aýdanǵa 800 mln teńgeden qarastyrylǵan. Bir jobanyń eń joǵary quny 58,3 mln teńgeden aspaýy tıis.

Almatylyqtardyń 485 bastamasy daýys berýge jiberildi. Eń kóp ótinim Almaly (107), Túriksib (77) jáne Naýryzbaı (68) aýdandaryn abattandyrý boıynsha kelip tústi. Odan keıingi kezekte Alataý (65), Áýezov (47), Jetisý (45), Medeý (41) jáne Bostandyq (35) aýdandary tur.

Qala turǵyndarynyń jobalarynyń ishinde: avtomatty sýarý júıesi men aýyz sý kolonkalaryn ornatý; qoqysty jer astynda jınaý júıelerin ornatý; balalar oıyn jáne sport alańdarynyń qurylysy, ıtterdi erkin serýendetýge arnalǵan alańdar; saıabaqtar men qoǵamdyq oryndardy abattandyrý; joldardaǵy bólý jolaqtaryn kógaldandyrý jáne taǵy basqalary bar.

Almaty qalasynda turaqty tirkelgen turǵyndar ǵana tańdaý jasap, unaǵan jobalarǵa daýys bere alady. Yńǵaıly bolý úshin onlaın jáne qaǵaz túrinde daýys berý múmkindigi qarastyrylǵan. Qaǵaz túrinde aýdandyq ákimdikterge nemese Open Almaty front-ofısine (Abaı dańǵyly, 90) baryp daýys berýge bolady.

Onlaın-daýys berý úshin:

1. budget.open-almaty.kz portalynda «Daýys berý» bólimine ótý;

2. unaǵan 3-ten (úsh) artyq emes jobalyq usynysty tańdaý;

3. daýys berýdi rastaýdyń yńǵaıly tásilin tańdaý qajet – ETsQ nemese JSN (SMS-kod) arqyly.

Qaǵaz túrinde daýys berý úshin:

1. kez kelgen aýdan ákimdigine (saǵat 09.00-18.00, úzilis saǵat 13.00-14.00) nemese Open Almaty front-ofısine (saǵat 09.00-18.00) barýǵa bolady, ózińizben birge jeke basty kýálandyratyn qujat bolýy qajet;

2. jergilikti jerde berilgen qaǵaz formany toltyrý;

3.toltyrylǵan formany daýys jınaý jáshigine salý qajet.

Jobalyq usynys qabyldanýy úshin Almatyda turaqty tirkelgen turǵyndardyń 10-nan astam daýysyn jınaýy tıis. Bir turǵyn 3 (úsh) jobalyq usynysqa ǵana daýys bere alady.

«Bıýdjetke qatysý» pılottyq jobasyn Qazaqstanda alǵash ret 2019 jyly Almaty qalasynyń ákimdigi júzege asyrdy. Qala bıýdjetin nege jumsaý kerektigin ashyq talqylaý jáne daýys berý arqyly almatylyqtardyń ózderi anyqtady. Qala turǵyndarynyń bastamalaryna Almaty qalasy Qoǵamdyq keńesiniń músheleri, sarapshylar, máslıhat depýtattary,úkimettik emes uıym ókilderi óz baǵasyn berdi.


Avtor Alma Muqanova
Basty sózder: Almaty, Qurylys, Qoǵam,
Joǵary qaraı