Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda burshaq jaýyp, naızaǵaı oınaıdy

2022 jyldyń 14 mamyr 2022 11:43

ALMATY. QazAqparat - Almaty qalasy men taý bókterindegi aýdandarda qatty jańbyr jaýyp, jel kúsheıedi degen boljam bar, dep habarlaıdy QazAqparat tilshisi.

Sınoptıkter 14 -15 mamyr kúnderi qalada táýlik boıy qatty jańbyr jaýyp, keı ýaqytta naızaǵaı oınaıtynyn jáne 15 mamyrda burshaq bolatynyn eskertti.

«Batystan jel soǵyp, naızaǵaı kezinde jel ekpini sekýndyna 15-20 metrge jetedi. Qurmetti qala turǵyndary men qonaqtary, jaýyn-shashyn kezinde ǵımarattar men úı-jaılardan múmkindigińizshe shyqpańyz. Kólikterdi aǵashtardyń astynda qaldyrmańyz», - dep habarlady Almaty qalalyq Tótenshe jaǵdaılar departamentinen.

Eske salaıyq, 11 mamyr kúni Almatyda nóser jaýyn jaýyp, qala aýmaǵynda birqatar kóshe men turǵyn úılerdiń aýlasyn sý basyp qaldy.

Jańbyr men daýyl saldarynan 19 aǵash qulady. Bir avtokólik pen turǵyn úı zardap shekti.

Qalalyq jasyl ekonomıka basqarmasynyń málimetinshe, shaharda nóser kezinde únemi sý basyp qalatyn 56 aımaq bar.


Avtor Alma Muqanova
Basty sózder: Almaty, Aýa raıy,
Joǵary qaraı