Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda búlik kezinde jeke úılerge shabýyl jasaǵan qarýly top ustaldy

2022 jyldyń 19 qańtar 2022 22:40

ALMATY. QazAqparat - Almaty polıtsııasy jeke úılerge qarýly shabýyl jasaǵan qylmystyq topty ustady, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, ustalǵandar 29 ben 36 jas aralyǵyndaǵy 4 er adam. Belgili bolǵandaı, olar Almaty oblysynyń turǵyny. Ekeýi – buryn tonaý jáne bótenniń múlkin urlaǵany úshin sottalǵan.

«Qańtardyń 5-nen 6-na qaraǵan túni jappaı tártipsizdikter kezinde búlikshiler jeke kúzet uıymdarynyń qyzmetkerlerine birneshe ret shabýyl jasap, olardyń qyzmettik qarýlaryn tartyp alǵan. Odan keıin jeke úılerge basyp kirip, úı ıelerin avtomatpen jáne basqa da atys qarýymen qorqytyp, jeke múlki men eki avtokólikti ıemdengen. Bul qylmystardy ashýǵa qalanyń krımınaldyq polıtsııa basqarmasynyń qyzmetkerleri kómektesti», – deıdi Medeý aýdandyq polıtsııa basqarmasynyń bastyǵy Dáýren Ótebaev.

Kúdiktiler qamaýǵa alyndy.

Polıtsııa ókiliniń aıtýynsha, zattaı aıǵaqtar, onyń ishinde kúzetshilerden tartyp alynǵan qarýlar tárkilenip, QR QK-niń 192-baby jáne 291-baby boıynsha tergelip jatqan qylmystyq is materıaldaryna tirkeldi.

Qazir ustalǵandardyń basqa da qylmystarǵa qatysy bar-joǵy tekserilip jatyr.


Joǵary qaraı