Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda bolǵan oqıǵalardy polıtseı óleń joldarymen baıandady

2022 jyldyń 14 qańtar 2022 14:10

ALMATY. QazAqparat- Almatyda bolǵan oqıǵalardy Bostandyq aýdandyq polıtsııa basqarmasynyń ıývenaldy polıtsııa bóliminiń ınspektory, polıtsııa aǵa leıtenanty Dınara Maǵzumova óleńmen baıandady, dep habarlaıdy QazAqparat tilshisi.

«Meniń joldasym da polıtsııa qyzmetkeri. Bes kún boıy tártipsizdikter men polıtsııa ǵımarattaryna jasalǵan lańkestik áreketterdiń jolyn kesýge qyzmet etti. Biz - jas otbasymyz. Shynymdy aıtsam, men ol úshin qatty ýaıymdadym. 4 qańtarda búkil jeke quram qyzmetkerleri arnaıy dabylmen shaqyrylǵanda, men asyǵys uıaly telefonyma tórt shýmaq óleńimdi terip, joldasymdy qoldaý úshin jiberdim. Biraz ýaqyttan keıin «Keń baıtaq – rýhty el qazaq dalasy!» dep osy shyǵarmany jazdym», – deıdi aǵa leıtenant Dınara Maǵzumova.

Onyń aıtýynsha, ol bala kezinen óleń jazady. Kitap shyǵarý oıynda bar.

«Biraq bul bolashaqtyń enshisinde. Al ázirshe men ózimdi eldiń amandyǵy men azamattardyń qaýipsizdigi jolynda jumys isteýge arnadym», - dedi, polıtsııa ınspektory.



Joǵary qaraı