Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bıyl elektr samokat tepken  5 adam qaza tapty

2021 jyldyń 22 qazan 2021 13:45

ALMATY. QazAqparat - Almatyda 9 aıdyń ishinde elektr samokattarǵa qatysty 277 jol-kólik oqıǵasy bolyp, 5 adam qaza tapty, dep habarlaıdy QazAqparat tilshisi.

Almaty qalasy Polıtsııa departamentiniń málimetinshe, sońǵy jyldary megapolıste moped, elektr samokat, elektr skýter sekildi kólik quraldaryn júrgizýshilerdiń sany artqan. Mundaı kólik túrleri qalada júrýdiń yńǵaılylyǵy, júrgizý úshin ony tirkeý jáne oqýdan ótý, ruqsat alý qajettiliginiń bolmaýyna baılanysty tanymal boldy.

Aıtý kerek, elektr samokattary óte joǵary jyldamdyqpen - saǵatyna 80 km-ge deıin júre alady. Biraq, zańda oǵan qorǵanys quraldary men jyldamdyqty shekteý sharalary qarastyrylmaǵan.

« Elektrosamokattardy paıdalanýshylar sanynyń artýy ólimmen aıaqtalǵan jol apattarynyń ósýine ákeldi. Mysaly, eger 2018 jyly barlyǵy 66 jol oqıǵasy tirkelse, 2020 jyly olardyń sany 2 ese ósti (130). Al bıylǵy 9 aıdyń ózinde 277 jol apaty bolyp, 5 adam qaza tapty, 296 adam túrli dene jaraqatyn aldy», - dep jaýap berdi bizdiń jibergen saýalǵa polıtsııa departamenti.

Eske salsaq, senator Nurtóre Júsip depýtattyq saýalynda jol qaýipsizdigi máselesin kótergen bolatyn. Ol zańdy túrde jaıaý júrginshilerdi elektr samokattary men gıroskýterlerden qorǵaýdy usynǵan bolatyn.


Avtor Dýman Arǵyngeldi
Basty sózder: Almaty,
Joǵary qaraı