Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda bıyl 50 myń jańa jumys orny ashylady

2022 jyldyń 20 qańtar 2022 16:22

ALMATY. QazAqparat- Almatyda kem degende 50 myń jańa jumys orny ashylady. Bul týraly Almaty ákimi Baqytjan Saǵyntaev málim etti, dep habarlaıdy QazAqparat tilshisi.lady.

Qala basshysynyń aıtýynsha, byltyr Almatydaǵy jumyssyzdyq 5,1 paıyzǵa tómendegen.

«Bıyl Ulttyq jobalar aıasynda 13,2 myń jumys orny ashylady, bıznesti qoldaýdyń óńirlik sharalary 3,6 myń bıznes qurýǵa múmkindik beredi, 31 myńnan astam adam eńbekke tartylady»,- deıdi Baqytjan Saǵyntaev.

Sonymen qatar, ol qalalyq baǵdarlamalar sheńberinde ÁKK quraldary arqyly 2 paıyz jeńildikpen kredıt berý arqyly taǵy 5 shaǵyn ónerkásiptik park iske qosylatynyn tilge tıek etti.

«Jastardy kásiptik tehnıkalyq daıarlaýdy jáne jumyssyzdardy qaıta oqytýdy kúsheıtip, keıinnen jumysqa ornalastyramyz. Jeke sektordan júıelik operatorlardy tartý arqyly bilikti jumys oryndary qurylady», - dep atap ótti Almaty ákimi.

2 jyl ishinde «Kásip alańy», «Almaty Bıznes» baǵdarlamalary boıynsha kásipkerlik negizderine oqytý, 200 myńǵa jýyq adamdy qamtıtyn Qolday kásipkerlik ortalyǵynyń kýrstary júrgizildi.

Bul jumys istep turǵan ShOB sanynyń 4%-ǵa nemese 2021 jyldyń qorytyndysy boıynsha 7,6 myń birlikke ulǵaıýyna áser etti.

«Memleket basshysynyń tapsyrmasy boıynsha bıyldan bastap jastar praktıkasy boıynsha jalaqy 25 aılyq eseptik kórsetkishten 30 AEK-ke deıin ulǵaıtyldy. Biz óz tarapymyzdan jergilikti bıýdjetten qosymsha 10 AEK-ke tólemdi ulǵaıtamyz, osylaısha jalaqy 122 500 teńge bolady», deıdi Baqytjan Saǵyntaev.

Sondaı- aq jumys isteıtin múmkindigi shekteýli adamdar úshin áleýmettik jumys oryndaryn sýbsıdııalaý mólsheri 63 myńnan 92 myń teńgege deıin ulǵaıtylady.

Jalpy, barlyq sharalardyń arqasynda keminde 50 myń jumys orny ashylady.


Avtor Alma Muqanova
Basty sózder: Almaty, Jumyspen qamtý, Ákim, Ákimdik,
Joǵary qaraı