Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda bıyl 2 myńnan astam kúrdeli operatsııa jasaldy – onkolog

2021 jyldyń 22 qazan 2021 14:37

ALMATY. QazAqparat - Bıyl raktan emdelgen naýqastardyń sany 13 256, bul ótken jylmen salystyrǵanda úsh myńǵa kóp. Bul týraly brıfıng barysynda Almaty qalasy onkologııalyq ortalyǵynyń dırektory Nursultan Іzbaǵambetov aıtty, dep habarlaıdy QazAqparat tilshisi.

«Bıyl emdelgen patsıentterdiń sany 13 256 adam, bul ótken jylmen salystyrǵanda úsh myńǵa kóp. 2 myńnan astam kúrdeli operatsııa jasaldy. Skrınıng jáne onkologııalyq naýqastardy erte dıagnostıkalaý, sondaı-aq emdeýmen 100 paıyz qamtýdyń arqasynda qaterli isikten bolatyn ólim-jitim kórsetkishi 10,6%-ǵa tómendedi», - deıdi ol.

Spıkerdiń sózinshe, qazir júrgizilip jatqan skrınıngter óte mańyzdy ról atqarady. Mysaly, tekserýdiń arqasynda 148 obyr jaǵdaıy jáne 9 304 obyr erte kezeńde anyqtalǵan.

«Bul jerde qaterli isik aýrýynyń 90%-y syrqattyń 1-2 satysynda skrınıng arqyly anyqtalǵan. Árıne, mundaı jaǵdaılarda emdeý tıimdirek jáne tolyq emdeýge qol jetkizýge bolady. Sondyqtan skrınıngten ótý mańyzdy. Ol dıagnostıkalaýǵa múmkindik beredi isik erte satysynda bolýy emdeledi. Keıingi kezeńderde emdeý kúrdelene túsedi jáne boljam nasharlaıdy», - deıdi Nursultan Іzbaǵambetov.

Sonymen qatar, ol kúrdeli epıdemıologııalyq jaǵdaıǵa qaramastan, árbir naýqasty emdeý barlyq ereje boıynsha júrgizilgenin tilge tıek etti.

«Eger onkologııalyq naýqas koronavırýs juqtyrsa, onda aldymen osy dertke emdeý júrgiziledi. Naýqas emdelip shyqqan soń onkologııalyq ortalyqta em alady», - dep atap ótti onkologııalyq ortalyqtyń dırektory.

Sondaı-aq onkolog dárigerler patsıentterge úıde kómek kórsetetinin, bıyl mobıldi brıgada 3 436 shuǵyl shaqyrtýǵa shyqqanyn aıtty.

«Búginde elimizdiń basqa óńirlerinen kelgen 560 onkologııalyq naýqas Almatyda tirkelgen, bul ótken jyldan eki ese kóp. Demek, árbir besinshi patsıent qaraýsyz qalǵan», - deıdi ol.

Aýrýdy asqyndyryp almaý úshin onkolog turǵyndarǵa emhanalarda tegin skrınıngten ótýge, jyl saıyn flıýorografııa kabınetine jáne qaraıtyn bólmege barýǵa, densaýlyǵyn baqylaýǵa alýǵa shaqyrdy.


Avtor Alma Muqanova
Basty sózder: Almaty, Medıtsına,
Joǵary qaraı