Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda birqatar kolledj modernızatsııadan ótti

2021 jyldyń 21 qazan 2021 01:08

ALMATY. QazAqparat - Almaty qalasy ákiminiń orynbasary Erjan Babaqumarov megapolıstegi kolledjderdiń jańǵyrtylýymen tanysty, dep habarlaıdy QazAqparat tilshisi.

Ol Almaty qurylys-tehnıkalyq jáne Almaty polıtehnıkalyq kolledjderinde «Jas maman» jobasynyń júzege asyrylý barysyn tekserdi.

Oqýshylardy óndiriste praktıkalyq jumyspen qamtamasyz etý úshin iri kásiporyndarmen dýaldy oqytýdy damytý jáne yntymaqtastyq qurý boıynsha mindetterdi belgiledi.

2021-2022 jyldary osy joba sheńberinde kadrlar daıarlaýǵa memlekettik tapsyrys 11 405 orynǵa, onyń ishinde «Eńbek» baǵdarlamasy boıynsha 2500 orynǵa arnalǵan 48 kolledjde ornalastyryldy.




Almaty qurylys-tehnıklyq kolledji osy baǵdarlama aıasynda 200-ge jýyq túrli maqsattaǵy apparattar men jabdyqtardy satyp alǵan. Tehnıkalyq jaǵynan dánekerleý isi, jıhaz óndirisi, santehnıka jáne jylytý, qurǵaq qurylys jumystary boıynsha úsh sheberhana jabdyqtalǵan.

Jıhaz tsehyna aǵashqa kez-kelgen úlgini kesetin, baǵdarlamalyq-sandyq jolmen basqarylatyn apparat pen óńdeýge arnalǵan frezerlik stanoktar, tigin mashınalary satyp alyndy.

«Bizdiń kolledj qurylys-kommýnaldyq sharýashylyq beıini boıynsha oqý-ádistemelik birlestik. Munda jıhaz óndirisiniń mamandary daıyndalady. Bizdiń oqý baǵdarlamalarymyz jıhaz óndirisin qarapaıymnan kúrdelige deıin – kishgirim bólshekterdi daıyndaý, jıhaz betin tigý jáne taǵy basqalary», - deıdi dırektordyń oqý-ádistemelik jumysy jónindegi orynbasary Azız Jalılov.




Stýdentter tsehta ózderi partalar, esikter, kolledj kabınetterine arnalǵan oryndyqtar daıyndaıdy.

Almaty qurylys-tehnıkalyq kolledji qalamyzda kásibı santehnıkterdi daıyndaıtyn jalǵyz oqý orny.

«Jas maman» baǵdarlamasy aıasynda bolashaq santehnıkter úshin jylytý jáne sýmen jabdyqtaý júıelerin ornatý men kúıge keltirý boıynsha modýlder, qol gıdravlıkalyq sorǵysy bar ilmekti armatýraǵa arnalǵan stendter, aýa baptaýǵa arnalǵan júıeler, dýsh kabınasyn, vannalar men ýnıtazdardy qosýǵa arnalǵan júıeler satyp alyndy.

Kolledjde qurǵaq qurylys zerthanasy bar, onda stýdentter qabyrǵalardy jylytý, boıaý jáne basqa da jóndeý jumystary boıynsha tájirbıe jınaqtaıdy.

«Jas maman» baǵdarlamasy bizge kolledj stýdentterine arnalǵan jabdyqtardy jańartýǵa múmkindik berip, standarttarymyzdy sáıkestendirý, stýdentterimizdi óndiristik qyzmetke jaqyndatý arqyly jańa deńgeıge shyǵý joldaryn ashty. Bizdiń kolledjdegi árbir jabdyq kúnine alty saǵattan qoldanylady, bul bizdiń shákirtterdiń eńbek naryǵynda básekege qabilettiligin arttyrýǵa septigin tıgizýde», - dep atap ótti Azız Jalılov.

Sondaı-aq, ákim orynbasary Erjan Babaqumarov Almaty polıtehnıkalyq kolledjine baryp, «Jas maman» jobasyn iske asyrý aıasynda aqpan aıynda ashylǵan IT-ortalyǵymen jeke tanysty.

Ortalyqta kompıýterlik-apparattyq qamtamasyz etý boıynsha stýdent-tehnıkter, aýdıo jáne beıneoperatorlar, tehnıka-mehanıkter oqýdan ótedi.

«Biz árbir baǵyt boıynsha jumys berýshilermen kelise otyryp, tıisti jabdyq satyp aldyq. Stýdentter kásiporyndarda suranysqa ıe jabdyqtarmen jumys isteıdi. Olar zaýytqa jumys isteýge barǵanda qandaı qurylǵy qalaı jumys isteıtinin biletin bolady. «Jas maman» baǵdarlamasynyń arqasynda biz stýdentterimizge kóbirek bilim men tájirıbe bere alamyz», - deıdi kolledj dırektorynyń oqý-ádistemelik birlestik jónindegi orynbasary Marjan Málikova.

Buǵan deıin Almaty qalasy ákiminiń orynbasary Erjan Babaqumarov energetıka jáne elektrondyq tehnologııalar kolledjine, sondaı-aq kópsalaly kolledjge baryp, «Jas maman» jobasynyń júzege asyrylý barysymen jáne materıaldyq-tehnıkalyq jaraqtaný deńgeıimen tanysty.

«Jas maman» jobasy Qazaqstan Respýblıkasynyń Tuńǵysh Prezıdenti N.Á.Nazarbaevtyń Jastar jylynyń saltanatty ashylý rásiminde 2019 jylǵy 23 qańtarda bergen tapsyrmasyna sáıkes ázirlendi.








Avtor Alma Muqanova
Basty sózder: Almaty, Bilim,
Joǵary qaraı