Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda birqatar emhana basshylaryna ústemaqy tóleý boıynsha eskertý jasaldy

2020 jyldyń 30 qyrkúıek 2020 23:28

ALMATY. QazAqparat –Almaty ákiminiń orynbasary Erjan Babaqumarov birqatar emhanalardyń basshylyǵyna medıtsına qyzmetkerlerine ústemaqy tóleý máseleleri boıynsha eskertý jasady, dep habarlaıdy QazAqparat tilshisi.

Almaty qalasy ákiminiń tapsyrmasy boıynsha, ákimniń orynbasary Erjan Babaqumarov medıtsınalyq mekemelerdiń basshylyǵymen epıdemııaǵa qarsy sharalarǵa jumyldyrylǵan densaýlyq saqtaý uıymdarynyń qyzmetkerlerine jalaqyǵa ústemaqy tóleý máseleleri boıynsha jumys jınalysyn ótkizdi.

Oǵan qalalyq Qoǵamdyq densaýlyq saqtaý basqarmasynyń basshysy Kamaljan Nadyrov, Taýarlar men qyzmetterdiń sapasy men qaýipsizdigin baqylaý departamentiniń basshysy – bas memlekettik sanıtar dáriger Jandarbek Bekshın, QR Densaýlyq saqtaý mınıstrliginiń «Respýblıkalyq elektrondyq densaýlyq saqtaý ortalyǵy» ShJQ RMK Almaty qalalyq fılıalynyń basshysy Gúlnar Ysqaqova, sondaı-aq qalanyń medıtsınalyq mekemeleriniń bas dárigerleri qatysty.

Medıtsınalyq qyzmetkerler arasynda juqtyrý jaǵdaıy boıynsha áleýmettik tólemderge erekshe nazar aýdaryldy. Qazirgi ýaqytta tıisti tólemder júrgizilýde, sonymen birge qajetti qujattardy keshiktirý nemese durys resimdemeý máseleleri de bar.

Osyǵan baılanysty, Erjan Babaqumarov osyndaı durys istelmegen jumystary úshin emhanalardyń basshylaryna, atap aıtqanda, № 1 Qalalyq klınıkalyq aýrýhananyń bas dárigeri - E. Qalıevke, №7 Qalalyq klınıkalyq aýrýhananyń bas dárigeri – M. Ramazanovqa, Ortalyq qalalyq klınıkalyq aýrýhananyń bas dárigeri – N. Tabynbaevqa, Qalalyq balalar klınıkalyq juqpaly aýrýlar aýrýhanasy – E. Seralınge, qalalyq jedel kómek kórsetý aýrýhanasynyń bas dárigeri – A. Djývashevke, Qalalyq pallıatıvtik kómek ortalyǵynyń bas dárigeri – E. Zatybekovaǵa, ftızıopýlmonologııa Ulttyq ǵylymı ortalyǵy – M.Ádenovke, №1 kópsalaly medıtsınalyq ortalyq–J.Sápıevaǵa eskertý jasady.

Almaty qalasynyń qoǵamdyq densaýlyq saqtaý basqarmasyna pandemııamen kúreske jumyldyrylǵan medıtsınalyq mekemelerdiń qyzmetkerlerine tıesili barlyq tólemderdi tolyq jáne ýaqtyly júzege asyrý úshin tıisti qujattardy engizý jóninde sharalar qabyldaý tapsyryldy.

Sonymen qatar, aı saıyn naqty jumys istegen saǵattar boıynsha medıtsınalyq uıymdardyń qyzmetkerlerine qaýip toptary boıynsha ústemeaqylar tólenedi. Almaty qalasy boıynsha COVID-19-ǵa qarsy kúres aıasynda epıdemııaǵa qarsy is-sharalarǵa tartylǵan uıymdardyń qyzmetkerlerine ústemaqy tóleýge arnalǵan soma osy jyldyń naýryz aıynan bastap 6 aı ishinde 11 mlrd teńgeden astam somany qurady. Aılar boıynsha tólemder somasy:

- naýryzda 3 766 medıtsına qyzmetkeri 1,2 mlrd teńge ;

- sáýir aıynda 5 474 medıtsına qyzmetkeri 1,5 mlrd teńge ;

- mamyr aıynda 5 043 medıtsına qyzmetkeri 1,5 mlrd teńge ;

- maýsym aıynda 5 432 medıtsına qyzmetkeri 1,8 mlrd teńge ;

- Shildede 7 541 medıtsına qyzmetkeri 2,7 mlrd teńge ;

- tamyz aıynda 2,6 mlrd teńgege 6 623 medıtsına qyzmetkerine tólem tólendi.


Avtor Alma Muqanova
Basty sózder: Almaty, Medıtsına, Koronavırýs,
Joǵary qaraı