Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda balalaryna jaýapsyz qaraǵan 424 ata-ana jazalandy

2021 jyldyń 22 qyrkúıek 2021 15:03

ALMATY. QazAqparat - Almatyda 400-den astam ata-ana balalarynyń túngi ýaqytta kóshede júrgeni úshin jazalandy, dep habarlaıdy QazAqparat tilshisi.

Almatyda 13-19 qyrkúıek aralyǵynda «Jasóspirim» jalpyqalalyq jedel aldyn alý is-sharasy ótti.

« Sharanyń basty maqsaty – jasóspirimder arasyndaǵy quqyq buzýshylyqtyń aldyn alý jáne ony eskertý, bilim berý uıymdarynyń qatysýshylary arasyndaǵy quqyq buzýshylyqtardyń jolyn kesý, kámeletke tolmaǵandardyń quqyqtaryn qorǵaý, olardyń quqyqtyq saýattylyǵyn arttyrý salasyndaǵy ákimshilik quqyq buzýshylyqtardy anyqtaý, sondaı-aq balalarǵa qatysty qylmystyq quqyq buzýshylyqtardyń aldyn alý»,- dedi Almaty qalasy PD Jergilikti polıtsııa qyzmeti basqarmasynyń bastyǵy Manap Sattarov.
Onyń aıtýynsha, Polıtsııa departamentiniń barlyq qyzmetteriniń áreketterin úılestirý úshin jedel shtab pen jumys toby quryldy.
«Іs-shara barysynda ártúrli quqyq buzýshylyqtar boıynsha polıtsııaǵa 532 kámeletke tolmaǵan bala jetkizildi, onyń ishinde ákimshilik quqyq buzýshylyq jasaǵan – 461, qaraýsyz qalǵany jáne baspanasyz bolǵany úshin – 29. Qaraýsyz qalǵan 26 bala kámeletke tolmaǵandardy beıimdeý ortalyǵyna bólindi»,– dedi polıtsııa ókili.
Sonymen qatar, reıd barysynda balalary túngi ýaqytta turǵyn úıden tys jerde bolǵany úshin 424 ata-ana ákimshilik jaýapqa tartyldy.
QR ÁQbK-niń 127-baby 1-bólimi (Bala tárbıesi boıynsha mindetterdi oryndamaǵany úshin) – 19 ata-anaǵa qatysty kámeletke tolmaǵandardyń isteri jónindegi mamandandyrylǵan aýdanaralyq sotyna olardy ákimshilik jaýapqa tartý úshin materıaldar jiberildi.
«Іs-shara kezinde ıývenaldy polıtsııa qyzmetkerleri kámeletke tolmaǵandar arasyndaǵy quqyq buzýshylyqtyń aldyn alýǵa baǵyttalǵan jáne olarǵa qatysty aldyn alý is-sharalar keshenin ótkizdi. Qalanyń jalpy bilim berý mekemelerinde oqýshylarmen kezdesýler ótkizilip, olarǵa qoǵamdyq oryndarda, beıtanys adamdarmen, qaqtyǵys jaǵdaıynda beıne materıaldardy qoldaný, aqparattyq bıýlletenderdi taratý jáne ornalastyrý tártibi túsindirildi. Sondaı-aq, kámeletke tolmaǵandardyń quqyqtaryn kemsitýshiliktiń barlyq túrlerinen, fızıkalyq nemese psıhıkalyq zorlyq-zombylyqtan qorǵaýǵa baǵyttalǵan usynystar berildi»,– dep qorytyndylady Manap Sattarov.


Avtor Alma Muqanova
Basty sózder: Qoǵam, Almaty,
Joǵary qaraı