Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda balabaqshalar jumysyn qashan bastaıdy

2022 jyldyń 14 qańtar 2022 11:57

ALMATY. QazAqparat - Almatynyń bilim berý uıymdary úshinshi oqý toqsanynyń bastalýyna qajetti daıyndyq jumystaryn júrgizýde. Bul týraly onlaın brıfıngte qalalyq bilim basqarmasynyń basshysy Lázzat Jylqybaeva málimdedi, dep habarlaıdy QazAqparat tilshisi.

Onyń aıtýynsha, 5 qańtardan bastap qaladaǵy qalyptasqan jaǵdaı men qabyldanǵan qaýipsizdik sharalaryna baılanysty mektepke deıingi 860 uıymnyń jumysy ýaqytsha toqtatylǵan. Olarda 71 myńnan astam bala tárbıe, bilim alady.

«Tótenshe jaǵdaı rejımi aıaqtalǵan soń, 20 qańtardan bastap balabaqshalar óz jumysyn bastaıdy.

Bul rette qaladaǵy epıdemıologııalyq jaǵdaı mindetti túrde eskeriletin bolady, sondyqtan balabaqshalar kezekshi top rejıminde jumys isteýi múmkin.

Biz ata-analar men barlyq qyzmetkerlerdi mektepke deıingi mekemelerdiń jumys tártibi týraly qosymsha habardar etemiz», - dedi bilim basqarmasynyń basshysy.



Avtor Dýman Arǵyngeldi
Basty sózder: Almaty, Bilim,
Joǵary qaraı