Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda azyq-túlik jármeńkeleri qaıta ashyldy

2022 jyldyń 24 qańtar 2022 12:40

ALMATY. QazAqparat - Almatyda 22 qańtardan bastap apta saıyn qalanyń 5 aýdanynda (Almaly, Medeý, Bostandyq, Alataý, Áýezov) «demalys kúngi» azyq-túlik jármeńkeleri qaıta bastaldy. Oǵan Almaty oblysynyń aýyl sharýashylyǵy taýaryn óndirýshileri, sondaı-aq Almaty qalasynyń azyq-túlik kásiporyndary qatysady. Bul týraly qala ákiminiń orynbasary Maqsat Qıqymov aıtty, dep habarlaıdy QazAqparat tilshisi.

Budan basqa, Almatyda kókónis áleýmettik dúkenderiniń úlgisi boıynsha 5 bazarda («Juldyz», «Orbıta», «Taýsamaly», «Arystan», Tastaq) «et dúkenderi» ashyldy, onda sıyr etiniń keýde-jaýyryn bóligi 2050 tg/kg-nan satylady, bul ortasha naryqtyq baǵadan (QQ-2325 tg/kg) 13,5%-ǵa tómen.

Sondaı-aq, Maqsat Qıqymov 9 qańtarda «úı janyndaǵy» dúken sórelerinde ónim tapshylyǵyn boldyrmaý maqsatynda azyq-túlikti tómen baǵamen jetkizýge ótinimderdi qabyldaý boıynsha jedel jeli qurylǵanyn habarlady.

Aǵymdaǵy jylǵy 24 qańtardaǵy jaǵdaı boıynsha 120 ótinim alyndy jáne 90 tonna ónim tıeldi. Onyń ishinde 85,2 tonna bakaleıa ónimderi (kúnbaǵys maıy, 1-surypty un, qaraqumyq jarmasy, qant) 4,8 tonna jumyrtqa.

Qazirgi ýaqytta qalanyń barlyq aýdandarynda V, S klasty dúkenderdi qamtýdy ulǵaıtý úshin ótinimderdi qabyldaý jalǵasýda.

Ákim orynbasarynyń aıtýyna qaraǵanda, áleýmettik mańyzy bar azyq-túlik baǵasyn turaqtandyrý boıynsha jumys erekshe baqylaýda.


Joǵary qaraı