Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Ázerbaıjan men Qazaqstannyń birlesken halyqaralyq foto kórmesi ótti

2021 jyldyń 21 qazan 2021 22:30

ALMATY. QazAqparat - Almatyda «Álemniń mádenı mura jaýhary – Gobýstan jartas sýretteri» atty halyqaralyq foto kórmesi ótti, dep habarlaıdy QazAqparat tilshisi.

Ál-Farabı atyndaǵy Qazaq ulttyq ýnıversıtetiniń kitaphanasynda Gobýstan memlekettik tarıhı-kórkem qoryq murajaıy (Ázerbaıjan) jáne «Tańbaly» memlekettik tabıǵı qoryq-murajaıymen (Qazaqstan) ótkizgen foto kórmesinde otandyq jáne sheteldik mýzeıtanýshylar, arheologtar, sarapshylar qatysty. Kórmeniń maqsaty jaıynda «Tańbaly» memlekettik tabıǵı qoryq-murajaıynyń dırektory Madııar Ámirǵalıev aıtyp berdi. «Sharanyń maqsaty Ázerbaıjan memleketiniń Gobýstan memlekettik tarıhı-kórkem qoryq murajaıy men Qazaqstannyń «Tańbaly» memlekettik tabıǵı qoryq-murajaıy arasyndaǵy áriptestikti nyǵaıtý. Ázerbaıjanda Gobýstan bolsa, Qazaqstanda Tańbaly. Eki elde de petroglıfter salynǵan tastar jeterlik. Sol sebepten qazir bir-birimizben tyǵyz qarym-qatynas ornatyp jatyrmyz. Sondaı-aq, búgingi kórmeni eki el arasyndaǵy tájirıbe almasý alańy dese bolady. Búgin eki eldiń ǵalymdarynyń kezdesýleri onlaın emes, oflaın formatta ótýde. Bizge Qazaqstannyń Mádenıet jáne sport mınıstrliginiń Tańbalyny álemdik deńgeıde tanytý boıynsha qoıǵan tapsyrmasy bar. Sol sebepti búginde biz jartas betindegi sýretterdiń estetıkalyq beınesin jańǵyrtý, petroglıfter keshenderi bar sheteldik murajaı-qoryqtarymen yntymaqtastyqty jolǵa qoıý, sondaı – aq, búkil álem boıynsha eń iri, ádemi jáne asa mańyzdy bolyp sanalatyn Qazaqstan petroglıfter keshenderiniń mádenı mura nysany retinde qalyń jurtshylyqtyń nazaryn aýdarý baǵytynda jumys júrgizýdemiz»,- dedi ol.

Gobýstan memlekettik tarıhı-kórkem qoryq murajaıy týraly jáne saparynyń maqsaty týraly murajaıdyń dırektory Výgar Isaev aıtyp berdi.

«Gobýstan memlekettik tarıhı-kórkem qoryq murajaıy 1966 jyly qurylǵan. Onyń negizin qalaýshy Ázerbaıjan eliniń ataqty arheology Ishak Djafarzade. Gobýstan qoryǵy Baký qalasynan ońtústikte 65 shaqyrymda ornalasqan. Qoryq aýmaǵy 4 535 ga. Bizdiń kelýdegi negizgi maqsatymyz – qazaq halqyn Ázerbaıjan, Gobýstan tarıhymen jaqynyraq tanystyrý jáne Gobýstan memlekettik tarıhı-kórkem qoryq murajaıy men «Tańbaly» memlekettik tabıǵı qoryq-murajaıy arasynda ózara yntymaqtastyq týraly Memorandým jasasý. Erteń «Tańbaly» qoryq-muajaıynda osy Memorandýmǵa qol qoıatyn bolamyz»,- dedi spıker.

Aıta keteıik, atalǵan kórme sondaı-aq, óńirlik, ulttyq jáne halyqaralyq bilim berý deńgeılerinde petroglıfterdi qorǵaý jáne saqtaý boıynsha shuǵyl sharalar qabyldaýǵa baǵyttalǵan.

Avtor Dýman Arǵyngeldi
Basty sózder: Ázerbaıjan, Almaty,
Joǵary qaraı