Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Aýla aýmaǵyn kógaldandyrý - 2021» baıqaýy ótti

2021 jyldyń 20 qyrkúıek 2021 16:33

ALMATY. QazAqparat - Almaty qalasynda kógaldandyrý baıqaýynyń qalaı ótkeni týraly Jasyl ekonomıka basqarmasynyń basshysy Álı Raıymbaev Óńirlik kommýnıkatsııalar qyzmetiniń brıfıngi barysynda aıtyp berdi, dep habarlaıdy QazAqparat tilshisi.

«Aýla aýmaǵyn kógaldandyrý - 2021» baıqaýy Qala kúnine oraılastyrylǵan. Qatysqysy kelgender óte kóp boldy. Barlyǵy 324 ótinish kelip tústi, onyń 84-ine komıssııa músheleri daýys berdi. Ár aýlany Qoǵamdyq keńes múshelerinen, landshaftyq sáýletshilerden, qoǵamdyq uıymdar basshylarynan turatyn qazylar alqasy qarady. 1-3 oryn ıegerleri elektrondy daýys berý arqyly anyqtaldy»,- dedi spıker.

Onyń aıtýynsha, aýlanyń kógaldandyrylýy ekologııalyq qana emes, áleýmettik sıpatqa da ıe. Qala turǵyndarynyń ıdeıalary sonshalyqty ádemi jáne erekshe bolyp shyqty, jeńimpazdardy tańdaý ońaı bolǵan joq. Turǵyndar óz aýlańyzdy qalaı jaqsy jáne ádemi etýge bolatynyn jaqsy úlgide kórsetti. Baıqaýǵa usynylǵan ár aýla shyn máninde erekshe boldy. Búginde turǵyndar qyzyqty kompozıtsııalar jasaıdy, ekologııalyq taza materıaldardy paıdalanady, tipti, aýlalarynda kishkentaı Shveıtsarııa qurdy dese de bolady.

Baıqaý tamyz aıynyń sońynda jarııalandy, ótinimderdi qabyldaý 3 qyrkúıekte bastaldy. Qoǵamdyq daýys berý qorytyndysy boıynsha júlde qory 24 jeńimpazdyń arasynda oınatyldy: Gran-prı: taýarlyq –materıaldardy, aýlany abattandyrýǵa arnalǵan ósimdikterdi satyp alýǵa 5 mıllıon teńgege sertıfıkat; 8 aýdanda 1 oryn úshin - 1 mıllıon teńge; 8 aýdanda 2 oryn úshin - árqaısysy 500 myń teńge; 8 aýdanda 3 oryn - baqsha quraldary beriletin boldy.

Komıssııa músheleriniń daýys berýi kezinde jeńimpaz anyqtaldy. Ol Túrksib aýdanyndaǵy Montajnaıa kóshesi, 15 mekenjaıdaǵy aýlany usynýshy ıAna Chıstılına boldy.

«TAL» arhıtektýralyq bıýrosynyń jetekshisi Nazerke Mýndahanova Óńirlik kommýnıkatsııalar qyzmeti alańynda sóılegen sózinde ár aýlada jaqsy kútilgen aǵashtar men butalar kóp bolǵanyn, turǵyndardyń olardyń dızaınyna shyǵarmashylyqpen qaraǵanyn aıtty.

«Biz jasyl jelektiń jalpy jaǵdaıyn ǵana emes, sonymen qatar olardy túpteý jáne sýarý jumystaryna da nazar aýdardyq. Mysaly, aýlalardyń birinde turǵyndar ózderiniń úıinde sýarý júıesin oılap tapty», - dedi N. Mýndahanova.



Avtor Dýman Arǵyngeldi
Basty sózder: Ekologııa, Almaty, Qoǵam,
Joǵary qaraı