Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda aýqymdy jer silkinisiniń qaýpi qandaı

2021 jyldyń 6 jeltoqsan 2021 17:07

NUR-SULTAN. QazAqparat – Búgin Májilistegi azamattyq qorǵaý júıesine qatysty Úkimet saǵatynda depýtat Dúısenbaı Turǵanov eldegi seısmıkalyq qaýipsizdik máselesin kóterdi, dep habarlaıdy QazAqparat tilshisi.

«Sarapshylardyń baǵalaýy boıynsha Almatydaǵy joıqyn jer silkinisi jaǵdaıynda ǵımarattardyń 60 paıyzǵa deıingi kólemi buzylýy múmkin, keltiriletin tikeleı shyǵyn 200 mlrd teńgege jetýi yqtımal. Qansha ǵımarat pen qurylys nysandary pasporttaýmen qamtylǵan? Seısmıkalyq jaǵdaıdyń jańa kartalaryn eskere otyryp, qurylys normalary ázirlendi me? Bul kartalar jarııa túrde qashan shyǵarylady», - dep surady Májilis depýtaty Dúısenbaı Turǵanov.

Óz kezeginde Tótenshe jaǵdaılar mınıstri ıÝrıı Ilın atalǵan táýekelder shynymen de bar ekenin moıyndady.

«Almatyda iri aýqymdaǵy jer silkinisiniń qaýpi bar. Onyń saldarynan turǵyndardyń kóbisine qater tónýi múmkin. Bul rette ómirine qaýip tónetinder men jaraqat alatyndardyń sanyna qatysty sarapshylar ártúrli málimetterdi aıtyp otyr. Sebebi baǵalaý júrgizýdiń túrli ádisteri bar», - dedi mınıstr.

Onyń aıtýynsha, seısmıkaǵa tózimdilik boıynsha baǵdarlama qarjylandyrýdyń bolmaýynan tıisti deńgeıde júzege asyrylmady.

«Qarajattyń tapshylyǵynan kóptegen baǵdarlama qysqartyldy. Bizde pandemııa qarajattyń eleýli kólemin shektedi, onyń ishinde tótenshe jaǵdaıdyń aldyn alýǵa qatysty. Ákimdik tarapynan qarajat bólindi. Almatydaǵy barlyq nysandardyń pasporttaýy júrgizildi. Derekter bazasy sáýlet jáne qurylys baqylaý departamentinde tur jáne jobany ary qaraı iske asyrýda paıdalanylyp keledi», - dedi vedomstvo basshysy.


Joǵary qaraı