Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Aýǵanstan azamaty 11 jyl zańsyz turyp kelgen

2021 jyldyń 18 qańtar 2021 16:51

ALMATY. QazAqparat - «Kelimsek» is-sharasy barysynda Almatyda 11 jyl boıy zańsyz turǵan Aýǵanstan azamaty anyqtaldy, dep habarlaıdy QazAqparat tilshisi.

Belgili bolǵandaı, 30 jastaǵy sheteldik osy ýaqytqa deıin jasyrynyp júrgen, jalǵyz ómir súrip, eshkimmen baılanys jasamaǵan. Ol QR ÁQBtK-niń 517-baby boıynsha jaýapqa tartyldy.

Almaty qalalyq Polıtsııa departamenti Kóshi-qon qyzmeti basqarmasynyń bastyǵy Ashat Bútinshınov zańnamany óreskel buzǵan shetel azamaty 14 qańtarda bastalǵan «Kelimsek» aldyn alý is-sharasy kezinde anyqtalǵanyn aıtty.

«Іs-shara Qazaqstan Respýblıkasynyń kóshi-qon zańnamasyn buzýdy anyqtaýǵa baǵyttalǵan. Reıd kezinde sheteldikter baratyn nysandar, sondaı-aq olar ýaqytsha turatyn oryndar tekserildi. 4 kún ishinde kóshi-qon jáne jergilikti polıtsııa qyzmetkerleri 629 sheteldikti tekserdi. Nátıjesinde Qazaqstanda bolý erejesin buzǵany úshin 25 sheteldik ákimshilik jaýapkershilikke tartyldy. Jeke basyn anyqtaý úshin PD-niń qabyldap-taratýy ortalyǵyna 35 sheteldik ornalastyryldy. Sonymen qatar bizdiń otandastarymyzdyń ishinen olarǵa kómektesken 34 adam ákimshilik jaýapkershilikke tartyldy», – deıdi ol.

Polıtsııa málimetteri boıynsha, jedel-aldyn alý sharasy barysynda jeke qujaty joq Reseı Federatsııasynyń 41 jastaǵy azamaty anyqtaldy.

«Tekserý is-sharalarynyń nátıjesinde onyń Qazaqstan Respýblıkasynyń aýmaǵyna 2010 jyly kelgeni jáne zańdy mártebesin áli rettemegeni belgili boldy. Sonymen qatar osy kúnderi Qazaqstan aýmaǵynda bes jyldan beri qujatsyz júrgen Ózbekstannyń eki azamaty anyqtaldy. Bul faktiler boıynsha qoldanystaǵy zańnamaǵa sáıkes sharalar qabyldanyp jatyr», – dedi Ashat Bútinshınov.


Avtor Alma Muqanova
Basty sózder: QR ІІM, Almaty,
Joǵary qaraı