Aýa raıy
Astana 11 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Almatyda Astana kúnine oraı jańa medıtsınalyq ortalyq iske qosylady

2020 jyldyń 4 shilde 2020 16:27

ALMATY. QazAqparat - Astana kúnin merekeleý qarsańynda Almatyda birqatar nysandar iske qosylady. Olardyń arasynda joǵary tehnologııalyq «MIPO» JShS medıtsınalyq ortalyǵy bar, dep habarlaıdy QazAqparat tilshisi.

Búgingi tańda epıdemıologııalyq jaǵdaıdy turaqtandyrý maqsatynda qala ákimshiligi tarapynan turǵyndarǵa jaqyn mańda ornalasqan medıtsınalyq qyzmet kórsetý boıynsha qarqyndy jumystar júrgizilýde. «MIPO» medıtsınalyq ortalyǵy 100 kelýshige arnalǵan. Sonymen qatar ońaltýǵa arnalǵan 40 oryn bar. Ortalyqta 80 medıtsına qyzmetkeri jumys isteıdi.

Sońǵy bes jylda Almatydaǵy ambýlatorııalyq-emhanalyq uıymdardyń josparly damý qýattylyǵy 7,4% artty. Sonymen birge, qala halqy osy merzim ishinde 13% -ǵa ósti. Jaqyn mańdaǵy medıtsınalyq mekemelerdiń kómegine qol jetimdilikti qamtamasyz etý úshin geografııalyq aqparattyq júıe jasalyp, engizilgen. Alynǵan málimetter negizinde dárigerlik ambýlatorııalardy ashý qajettiligi bar jerler anyqtaldy. 2019 jyldan 2021 jylǵa deıin 35 dárigerlik ambýlatorııa ashý josparlandy. 2019 jyly 11 dárigerlik ambýlatorııa ashyldy (1-ýi jergilikti bıýdjet esebinen salyndy).

Sondaı-aq, «Jańa Almaty» keshendi jospary aıasynda aldaǵy 5 jyl ishinde 1 mıllıonnan astam turǵynǵa arnalǵan qosymsha 19 medıtsınalyq nysan salynady.


Joǵary qaraı