Aýa raıy
Astana -4 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda áskerı kıim satatyn saýda oryndary tekserilýde

2020 jyldyń 24 qarasha 2020 20:11

ALMATY. QazAqparat – Almatynyń tártip saqshylary polıtsııanyń formalyq kıimin satatyn kóterme jáne bólshek saýda núktelerine arnaıy reıd júrgizýde, dep habarlaıdy QazAqparat tilshisi.

Almaty qalalyq Polıtsııa departamentiniń habarlaýynsha, búgingi tańda, zańsyz polıtsııa formasyn kııý jáne saýdalaý, paıdalaný faktileri kóbeıip ketken.

«Osyǵan baılanysty arnaıy tekseris jumystaryn júrgizý kerek boldy. Zań boıynsha mundaı formalardy satýmen aınalysatyn saýdager tutynýshydan qyzmettik kýáligin talap etýi tıis. Alaıda saýdagerler buǵan kóz juma qaraıtyny belgili. Tártip saqshysynyń formalyq kıimin kez kelgen qylmysqa nıetti adam nemese qylmyskerler ońaı satyp alýy múmkin. Tájirıbe kórsetkendeı, mundaı jaǵadaılar óte jıi kezdesedi. Tutynýshynyń ótinishi boıynsha saýdagerler olarǵa kerek polıtsııanyń kıim úlgisin, áskerı shenin, erekshe belgilerin daıyndap bere alatyndyqtary birneshe ret júrgizilgen jasyryn tekserý barysynda anyqtalyp otyr»,– dedi Almaty qalasy Polıtsııa departamentiniń ózindik qaýipsizdik basqarmasynyń bastyǵy Salamat Nııazbekov.

Sonymen qatar, ol arnaıy reıdttik is-sharalar barysynda alty saýda núkteleriniń qojaıyndary QR ÁQBK-niń 196-baby 1-tarmaǵy boıynsha ákimshilik jaýapkershilikke tartylǵanyn atap ótti.


Avtor Alma Muqanova
Basty sózder: Qoǵam, Almaty,
Joǵary qaraı