Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda áleýmettik mańyzy bar azyq-túlik taýarlarynyń baǵasyn arnaıy komıssııa tekseredi

2022 jyldyń 18 mamyr 2022 12:58

ALMATY. QazAqparat - Almatyda áleýmettik mańyzy bar azyq-túlik taýarlarynyń baǵasyna arnaıy komıssııa tekseris júrgizedi. Bul týraly agenttik tilshisiniń saýalyna Almaty qalasynyń kásipkerlik jáne ınvestıtsııalar basqarmasynyń bergen jaýabynda aıtyldy.

Vedomstvonyń málimeti boıynsha Almaty qalasynyń azyq-túlik dúkenderi men bazarlaryndaǵy, úı janyndaǵy dúkenderge áleýmettik mańyzy bar azyq-túlik taýarlaryna qoıýǵa ruqsat etilgen 15% saýdalyq ústeme baǵany saqtaý mánine tekserý júrgiziledi.

Kóshpeli komıssııa quramyna aýdan ákimdiginiń, Almaty qalasy kásipkerlik jáne ınvestıtsııalar basqarmasy, Saýda departamentteri, Memlekettik kirister basqarmasy, Sanıtarııalyq-epıdemıologııalyq baqylaý basqarmasy, Básekelestikti qorǵaý jáne damytý basqarmasy, qalalyq prokýratýranyń kelisimi boıynsha Tótenshe jaǵdaılar basqarmasynyń ókilderi kiredi.

Reıdtik is-sharalarǵa 26 ámbebap bazary men Almaty qalasyndaǵy 3 600 «úı janyndaǵy» dúkender qamtylady.

Tekseris barysynda kásipkerlerge áleýmettik mańyzy bar azyq-túlik taýarlarynyń baǵasy 15%-dan assa jáne ruqsat etilgen shekti bólshek saýda baǵalaryn (olardyń belgilengen baǵasyna qaraı) kótergendegi jaýapkershilik týraly habarlamalar beriledi.

«Eger buzýshylyqtar anyqtalǵan jaǵdaıda, QR «Ákimshilik quqyq buzýshylyqtar týraly» kodeksiniń 204-4 babyna sáıkes, sharalar qabyldanatyn bolady. Atap aıtqanda, saýdalyq ústeme baǵany kótergeni úshin kásipkerge birinshi joly eskertý beriledi, buzýshylyq qaıtalansa, 10 aılyq eseptik kórsetkishten 300 aılyq eseptik kórsetkishke deıingi (30 630 teńgeden 918 900 teńgege deıin) mólsherde aıyppul salynady.

Belgilengen shekti baǵany birinshi ret kótergeni úshin 100 aılyq eseptik kórsetkish mólsherinde (306 300 teńge), buzýshylyq qaıtalanǵan jaǵdaıda, 200 aılyq eseptik kórsetkish mólsherinde (612 600 teńge) aıyppul salynady.

Qoldanystaǵy saýda zańnamasyn saqtaý maqsatynda kásipkerlerge balamaly nusqa – Qazaqstan Respýblıkasynyń iri dıstrıbıýtorlary men óndirýshilerinen tikeleı kóterme baǵa boıynsha bakaleıa ónimderiniń tikeleı jetkizilimi usynylatyn bolady» delingen habarlamada.

Eske salaıyq, buǵan deıin áleýmettik mańyzy bar azyq-túlik pen kómir baǵasyn qadaǵalaıtyn joba men bıyl azyq-túlik taýarlaryn shyǵaratyn 33 ınvestıtsııalyq jobanyń iske qosylatynyn habarlaǵan bolatynbyz.



Avtor Dýman Arǵyngeldi
Basty sózder: Azyq-túlik, Almaty, Ekonomıka,
Joǵary qaraı