Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda áleýmettik et dúkenderi ashyldy

2021 jyldyń 25 qarasha 2021 10:33

ALMATY. QazAqparat - Almatyda áleýmettik et dúkenderi ashyldy, dep habarlaıdy QazAqparat tilshisi.

Almatynyń Kásipkerlik jáne ınvestıtsııalar basqarmasynyń málimetinshe, eki bazarda et dúkeni ashyldy.

Ákimdik áleýmettik mańyzy bar azyq-túlik taýarlarynyń barlyq 19 ataýyna, onyń ishinde sıyr etine baǵany turaqtandyrý boıynsha birqatar keshendi jáne jedel sharalar qabyldaýda.

«Kókónis áleýmettik dúkenderiniń úlgisi boıynsha «Juldyz» (kóterme saýda) jáne «Orbıta» bazaryndaǵy «Et dúkenderi» iske qosyldy, onda sıyr eti 2050 teńgeden satyla bastady, bul ortasha naryqtyq baǵadan 15%-ǵa tómen. Qamtýdy ulǵaıtý úshin «Túrksib jármeńkesi» jáne «Arystan» bazarlarynda uqsas dúkender ashý josparlanǵan»,- dep habarlady basqarmadan.

Aıta keteıik, Almatyda 27 qarasha kúni «Astana» ortalyq alańynda aýylsharýashylyq ónimderiniń jármeńkesi ótedi.





Joǵary qaraı