Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda áleýmettik beıimdeý ortalyǵy ashyldy

2021 jyldyń 17 qyrkúıek 2021 17:33

ALMATY. QazAqparat - Almatyda belgili turǵylyqty jeri joq adamdar úshin áleýmettik beıimdeý ortalyǵy ashyldy, dep habarlaıdy QazAqparat tilshisi.

Bul týraly «Pana» áleýmettik beıimdeý ortalyǵy» KMM dırektory Bolat Aıtmýrzaev Instagram áleýmettik jelisinde jazdy.

«Qala halqynyń ulǵaıýy men ómirlik qıyn jaǵdaıǵa tap bolǵan jandarǵa áleýmettik kómek kórsetý qajettiligine baılanysty Túnde bolý úıi Áleýmettik beıimdeý ortalyǵy bolyp qaıta quryldy. Ótinish bildirgen turǵylyqty jeri joq adamdar túngi ýaqytta ǵana emes, sonymen qatar, táýlik boıy arnaýly áleýmettik qyzmetterdiń kepildendirilgen kólemin ortalyqta alýǵa múmkindik aldy»,-dep atap ótti ol.

Ortalyq belgili bir turǵylyqty jeri joq, kámelet jasyna tolǵandar jáne bas bostandyǵynan aıyrý oryndarynan bosatylǵan, probatsııa qyzmetinde esepte turatyn adamdar úshin bir táýlik turýǵa nemese ýaqytsha turýǵa (táýliktiń túngi ýaqytynda) arnalǵan. 230 tósek-orynǵa eseptelgen, onyń ishinde 50 tósek – túneý bólimsheniki.

«Qańǵybastyq ómir saltyn ózgertkisi kelmeıtin adamdarǵa túneý bólimshesi uıymdastyryldy, olarǵa táýliktiń túngi ýaqytynda tósek-oryn beriledi, biraq, ystyq tamaqpen qamtamasyz etilmeıdi. Munda ortalyqtyń mamandary áleýmettik qyzmetterdiń 7 túrin kórsetedi»,- dep jazdy Bolat Aıtmýrzaev.



Avtor Dýman Arǵyngeldi
Basty sózder: Almaty, Qoǵam,
Joǵary qaraı