Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda alaıaqtar jalǵa alynǵan qymbat páter men kólikterdi satyp otyrǵan

2021 jyldyń 17 qyrkúıek 2021 12:30

ALMATY. QazAqparat – Almatyda jalǵa alynǵan páter men kólikti satyp jiberetin eki er adam ustaldy, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, 1983 jáne 1985 jyly týǵan er adamdar birneshe aı boıy qymbat kólikter men páterlerdi jalǵa alyp, olardy qysqa merzimde arzan baǵaǵa qaıta satqan.

«Satyp alýshylardy tanystar arqyly taýyp otyrǵan. Olar satyp alýshylarǵa jyljymaıtyn múliktiń qujattaryn keıinirek beremiz dep sendirgen. Osy sózge aldanyp qalǵan azamattar aqshany tolyq tólegen. Alaıaqtyq faktisi boıynsha QR QK-niń 190-baby 4-bóligi boıynsha sotqa deıingi tergeý bastaldy. Tergeý sharalary barysynda «dýettiń» qylmystyq áreketiniń qosymsha epızodtary anyqtaldy»,- dedi Almaly aýdandyq polıtsııa basqarmasynyń bastyǵy Esen Ysqaqov.

Qazirgi ýaqytta olarǵa qatysty taǵy bes qylmystyq epızod dáleldendi.

Tergeý kezeńinde ustalǵandarǵa qatysty qamaý túrindegi bultartpaý sharasy tańdaldy.

«Eger sizder osy adamdardyń qylmystyq áreketinen zardap shekken bolsańyzdar, bizge myna telefon nómirlerine habarlasyńyzdar: + 7-708-707-92-02; + 7-705-555-77-63; + 7-775-774-44-41 jáne + 7-775-106-18-84» dedi polıtsııa ókili.


Avtor Alma Muqanova
Basty sózder: Oqıǵa, Alaıaqtyq, Almaty, Zań,
Joǵary qaraı