Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda alaıaq áıel birneshe satýshyny san soqtyrǵan

2021 jyldyń 24 aqpan 2021 18:18

ALMATY. QazAqparat -Almatyda dúken satýshylaryn jalǵan chektermen aldap soqqan áıel ustaldy, dep habarlaıdy QazAqparat tilshisi.

27 jastaǵy kúdikti saýda núktelerinde satýshylarǵa jalǵan chek kórsetip, tólem jasamaı, zattardy alyp ketken.

Qazirgi ýaqytta ustalǵan azamatsha Almaty qalalyq PD ýaqytsha ustaý ızolıatoryna qamaldy.

«Ol úsh aıdan astam ýaqyttan beri qalada jaldamaly páterlerde turǵan, biraq esh jerde jumys istemeıdi. Buǵan deıin múliktik qylmystary úshin birneshe ret sottalǵan áıel Almatyǵa týǵan jeri Aqtóbe qalasynan aqsha tabý úshin kelgen. Biraq onyń jumys istegisi kelmegen. Ol azyq-túlik dúkenderinde jáne kıim býtıkterindegi ónimdi tańdap, baǵasyn anyqtaǵannan keıin, sol jerde smartfondaǵy qosymshany qoldana otyryp, tólem týraly chekti qoldan jasap, ony satýshylarǵa kórsetip otyrǵan. Satýshylar onyń smartfonyna qarap aldanyp, aqshanyń esepshotqa túskeni týraly habarlama keıinirek keledi dep úmittengen. Ol jaıbaraqat taýardy alyp, oqıǵa ornynan ketip qalyp júrgen. Esepshotyna eshqandaı aqsha túspegen onshaqty satýshy polıtsııaǵa shaǵymdanǵan. Osyǵan baılanysty, osy áıeldiń alaıaqtyq áreketterinen zardap shekken azamattar 8-708-707-92-02, 8-705-771-13-71, 8-705-55577-63 nómirleri arqyly bizge habarlasa alady», – dedi Almaly aýdandyq Polıtsııa basqarmasy bastyǵynyń mindetin atqarýshy Vladımır Reshetnıkov.

Ustalǵan áıelge qatysty QR QK-niń 190-babynyń 3-bóligimen (Asa iri mólsherde jasalǵan alaıaqtyq) sotqa deıingi tergeý júrgizilýde. Ony múlkin tárkileýmen qatar, bes jyldan on jylǵa deıingi merzimge bas bostandyǵynan aıyrý jazasy kútip tur.


Joǵary qaraı