Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda AITV-men aýyratyn adamdarǵa týberkýlezdi dıagnostıkalaýdyń jańa ádisi engizildi

2021 jyldyń 23 qarasha 2021 16:46

ALMATY. QazAqparat- Almaty qalasynda alǵash ret pılottyq rejımde adamnyń ımmýnıtet tapshylyǵy vırýsymen ómir súretin adamdarǵa týberkýlezdi erte dıagnostıkalaýdyń jańa ádisi engizilip jatyr, dep habarlaıdy QazAqparat tilshisi.

«Týberkýlezdi erte dıagnostıkalaý jáne ýaqtyly emdeý AITV ınfektsııasymen ómir súretin adamdardyń ómiri men densaýlyǵyn saqtaýǵa múmkindik beredi. Aıta keteıin, AITV ınfektsııasy týberkýlezdiń damýyna ákeledi», - deıdi Almaty qalalyq JITS ortalyǵynyń bas dárigeri Marat Tókeev.

Onyń aıtýynsha, lıpoarabınomannan (LAM) zár analızine arnalǵan synaq jolaqtary týberkýlez ben AÓSA arasynda jáne AITV damýynyń kesh satysynda dıagnoz qoıýǵa múmkindik beredi.

«Olardy qoldaný ońaı jáne aqysyz. Dıagnostıkanyń jańa ádisiniń taǵy bir dáleli - AITV-men aýyratyn naýqastarda qaqyryqta bakterııalyq júkteme az bolady, bul mıkroskopııanyń teris nátıjeleriniń jıiliginiń joǵarylaýyna ákeledi. JITS ortalyǵynyń medıtsına qyzmetkerleri arnaıy oqýdan ótti. Sondaı-aq TB LAM testilerin qoldaný boıynsha algorıtmder men nusqaýlyqtar kelisilip, bekitildi»,- deıdi ol.

Búgingi kúni Almaty qalasynyń JITS ortalyǵynda AITV-men ómir súretin 3 810 adam esepte tur.

2021 jylǵy 1 qarashadaǵy statıstıkasy boıynsha 40 adamǵa týberkýlez dıagnozy qoıyldy.


Avtor Alma Muqanova
Basty sózder: Densaýlyq, Qoǵam, Medıtsına, Almaty,
Joǵary qaraı