Aýa raıy
Astana -10 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda  Ábý Nasyr ál-Farabı men Aqjan Mashanıdyń kitaptary  tanystyryldy

2020 jyldyń 2 jeltoqsan 2020 22:34

ALMATY. QazAqparat – Halyqaralyq Túrki akademııasy Ál-Farabı atyndaǵy Qazaq ulttyq ýnıversıtetinde «Ulylar úndestigi: Farabı men Mashanı» atty ǵylymı jıyn ótkizdi, dep habarlaıdy QazAqparat tilshisi.

Uly oıshyl Ábý Nasyr ál-Farabıdiń 1150 jyldyq mereıtoıy aıasynda ótken alqaly jıynǵa Halyqaralyq Túrki akademııasy prezıdenti Darhan Qydyráli, ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanov, Qazaqstan Respýblıkasynyń Ulttyq Ǵylym akademııasynyń akademıgi Ábsattar Derbisáli, Qazaqstan Respýblıkasynyń Ulttyq Ǵylym akademııasynyń akademıgi Álııa Beısenova, fılosofııa ǵylymdarynyń doktory, ál-Farabı atyndaǵy Qazaq ulttyq ýnıversıtetiniń professory Jaqypbek Altaev, ál-Farabı atyndaǵy Qazaq ulttyq ýnıversıtetiniń, ál-Farabı ortalyǵy dırektory, dotsent, fılosofııa ǵylymdarynyń kandıdaty Bekjan Meıirbaev, Aqjan Jaqsybekulynyń jary Jamal Shoraıqyzy Mashanı, tarıh ǵylymdarynyń doktory, L.Gýmılev atyndaǵy EUÝ professory Zada Dúkenbaeva, sonymen qatar kórnekti qoǵam qaıratkerleri, ult zııalylary men belgili ǵalymdar qatysty.







Shara barysynda Ábý Nasyr ál-Farabı mırasyn jańǵyrtýǵa eleýli úles qosyp, uly oıshyl muralarynyń shyraqshysy bolǵan Aqjan Jaqsybekuly Mashanıdiń 114 jyldyq toıy atalyp ótti.

Sonymen qatar, atalǵan shara aıasynda Ábý Nasyr Ál-Farabı men Aqjan Mashanıdyń Túrki akademııasy basyp shyǵarǵan jańa kitaptarynyń tusaýkeseri boldy. Atap aıtqanda, ál-Farabıdiń «Knıga o slovah, ýpotreblıaemyh v logıke» traktaty alǵash ret arab tilinen tolyqtaı aýdarylyp, oqyrman nazaryna usynyldy. Sonymen qatar, akademııa baspaǵa ázirlegen Aqjan Mashanıdiń «Álem shyraıy» atty eńbegi men «Jibek jolyndaǵy órkenıetter úndestigi» atty ǵylymı jınaq ta Farabı jylyndaǵy jobalardyń tabysty nátıjesi boldy.




Aıta ketıik, túrki álemi ǵylymynyń damýyna jáne tarıhı tamyrlastyqty zerdeleýge qosqan úlesi úshin ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanov Halyqaralyq Túrki akademııasynyń altyn medalimen, al belgili shyǵystanýshy, akademık Ábsattar Derbisáli kúmis medalmen marapattaldy.











Avtor Alma Muqanova
Basty sózder: Almaty, Qoǵam, Mádenıet,
Joǵary qaraı