Aýa raıy
Astana 13 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 70 myńnan astam muǵalim men oqýshyǵa kompıýter qajet

2020 jyldyń 14 tamyz 2020 11:45

ALMATY. QazAqparat - Almaty qalasynyń Bilim basqarmasy qashyqtan oqytý úshin qansha muǵalim men oqýshyǵa kompıýter qajettigin aıtty, dep habarlaıdy QazAqparat tilshisi.

«Bilim basqarmasy jańa oqý jylyna daıyndyqty bastap ketti. Eń aldymen, muǵalimder men oqýshylardy qajetti tehnıkamen qamtamasyz etý qajet. Júrgizilgen monıtorıng nátıjeleri boıynsha, kompıýterge muqtaj muǵalimder men oqýshylardyń sany 70 myńnan asty», - dep habarlady Bilim basqarmasynan.

Málim etilgendeı, tenhnıkaǵa qajettilikti óteý 5 baǵyt boıynsha júzege asady:

- mektepterdegi kompıýterlik tehnıkany ýaqytsha qoldanýǵa berý;

- bilim berý uıymdarynyń bıýdjettik qarajaty esebinen noýtbýkter satyp alý;

- noýtbýkterdi ortalyqtan satyp alý;

- jalpy bilim berý qorynyń qarajaty esebinen turmysy tómen otbasylarǵa planshet satyp alý;

- Úkimettiń rezervtik qorynan qarajat alý arqyly kompıýterlik tehnıka satyp alý.

«Muqtaj oqýshylardy kompıýter, noýtbýk jáne planshettermen qamtamasyz etý bıylǵy tamyz aıynyń sońy men qyrkúıek aıynyń basyna josparlanǵan. Sonymen qatar, ınternet jelisi nashar aýdandarǵa uıaly baılanys operatorlary qosymsha antennalar ornatatyn bolady»,– dep atap ótti basqarmadaǵylar.


Avtor Alma Muqanova
Basty sózder: Aımaq, Almaty, Bilim, Koronavırýs,
Joǵary qaraı