Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda 5 adamdy atyp óltirgen Igor Dýjnovty qamaýǵa alý merzimi uzartyldy

2022 jyldyń 19 qańtar 2022 21:20

ALMATY. QazAqparat - Almatyda birneshe adamǵa oq atqan Igor Dýjnovty qamaýǵa alý merzimi taǵy bir aıǵa uzartyldy, dep habarlaıdy QazAqparat tilshisi.

«19 qańtarda tergeý soty Igor Dýjnovty qamaýda ustaý merzimin taǵy bir aıǵa, ıaǵnı 20 aqpanǵa deıin uzartý týraly ótinishti qanaǵattandyrdy», - dedi Almaty qalalyq sotynyń resmı ókili Abaı Jarylqasyn.

Eske salaıyq bıylǵy 20 qyrkúıek kúni Almatyda jeke úılerdiń birine kelgen sot oryndaýshyǵa, ýchaskelik polıtsııa ınspektorlaryna úı ıesi — 1967 jyly týǵan azamat oq atty. Qyzmet barysynda bes adam, onyń ishinde eki polıtsııa qyzmetkeri oqtan jaraqat alyp, kóz jumdy.

Atalǵan jaǵdaı boıynsha sotqa deıingi tergeý amaldary júrip jatyr. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.

Qaza tapqan polıtseılerdiń artynda 5 jáne 2 bala qaldy. Almaty ákimi Baqytjan Saǵyntaev olardyń otbasyna tıisti kómek kórsetiletini týraly aıtqan bolatyn.

Keıinirek Jeke sot oryndaýshylarynyń palatasy oqıǵaǵa qatysty túsinikteme berdi.

«Bank TsentrKredıt» AQ is boıynsha barlyq qajetti qujatty usynatyndaryn jáne zardap shekkenderdiń týystaryna jan-jaqty kómek kórsetetinin jetkizdi.


Avtor Alma Muqanova
Basty sózder: Qylmyspen kúres, Sot, Aımaq, Almaty, Qoǵam,
Joǵary qaraı