Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 40 jastaǵy er adamnyń bas mıyna asa kúrdeli operatsııa jasaldy

2021 jyldyń 30 qarasha 2021 11:21

ALMATY. QazAqparat - Almatylyq dárigerler 40 jastaǵy er adamnyń bas mıyna joǵary tehnologııalyq operatsııa jasady, dep habarlaıdy QazAqparat tilshisi.

Ortalyq qalalyq klınıkalyq aýrýhananyń málimetinshe, nevrologııa qabyldaý bólimshesine mı qanaınalymynyń jiti buzýshylyǵy kúdigimen 1981 jyly týǵan patsıent kelip tústi.

Naýqasty aýrýhananyń neırohırýrgi tekserilip, angıografııa KT júrgizdi. Nátıjıesinde, aldyńǵy qosylǵan kúre tamyrynyń úzilgen anevrızmasy anyqtaldy.

Shuǵyl túrde neırohırýrg- dáriger Erbol Makejanov joǵary tehnologııalyq operatsııa jasady. ıAǵnı qapty anevrızmanyń assıstentsııa ballonymen endovaskýlıarly embolızatsııa júrgizdi.

Dárigerdiń aıtýynsha, endovaskýlıar neırohırýrgııanyń zamanaýı tehnologııalary bul operatsııalardy bas súıekti tespeı jasaý múmkindigin beredi.

«Jambas kúre tamyry arqyly búkil aǵzasy boıynsha arnaıy kateter salynyp, anevrızmaǵa enemiz de onda arnaıy spıraldardy ornatamyz, sodan soń anevrızma qan aǵymynan jansyzdanyp osylaısha qan quıylý qaýpiniń aldy alynady. Operatsııa sátti ótti. Patsıent reanımatsııa bólimshesinde oıanǵannan soń aýrýǵa shaǵymdanǵan joq. Burynnan mazasyn alǵan bas saqınasynyń aýrýy tolyǵymen joıylyp, 10-shy táýlikte patsıent aýrýhanadan shyǵaryldy»- dedi Erbol Makejanov.

Sonymen qatar, ol anevrızmanyń úzilýi gemorragııalyq ınsýlt, júıke júıesiniń zaqymdanýy nemese bas mıyna qan ketýge deıin aparatynyn atap ótti.


Avtor Alma Muqanova
Basty sózder: Medıtsına, Almaty, Qoǵam,
Joǵary qaraı