Almatyda 27 mln teńge qaryzy bar «Toyota» júrgizýshisi ustaldy
ALMATY. QazAqparat – Almatyda 27 mln teńge qaryzy bar «Toyota» júrgizýshisi «Boryshker» is-sharasy kezinde ustaldy, dep habarlaıdy QazAqparat tilshisi.
Almatyda sot oryndaýshylary men Memlekettik kirister departamentiniń qyzmetkerleri birlesip, «Boryshker» jedel-aldyn-alý is-sharasyn ótkizdi.
«Іs-shara kezinde qatardaǵy bólimshelerdiń jeke quramyna kólik quraldaryn toqtatýdyń negizderi men tártibi aıtyldy. Salynǵan aıyppuldar týraly habarlama kezinde azamattarmen qarym-qatynas júrgizý pysyqtaldy. Sondaı-aq mamandandyrylǵan aıyppul turaǵyna kólik quraldaryn ornalastyrý tártibin anyqtaıtyn QR ІІM buıryqtar men nusqaýlyqtardyń talaptaryn bultartpaý jáne qatań saqtaý qaǵıdattary týraly habardar etildi. 3 kún ishinde 21 avtokólik mamandandyrylǵan avtoturaqqa qoıyldy. Kólik júrgizýshilerine 2 mln 72 myń teńge qaryzdary bar ekendigi týraly habarlamalar berildi», – dedi Almaty qalalyq Polıtsııa departamenti Ákimshilik polıtsııa basqarmasynyń bastyǵy Jandos Muratalıev.
Mysaly, reıd kezinde toqtatylǵan «Lada Granta» kóliginiń 31 jastaǵy júrgizýshisiniń 1 mln teńge aıyppul tólemegeni anyqtaldy.
Taǵy bir avtokólik júrgizýshisi bir apta ishinde jol qozǵalysy erejelerin segiz ret buzǵan. Bul joly aıyppuldyń mólsheri 119 myń teńgeden asty.
9 qarashada Dostyq dańǵylymen kele jatqan «Toyota» kóligi toqtatylǵan. Kólik ıesiniń tólenbegen 27 mln teńge qaryzy bar bolyp shyqty.
