Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda 160 myń sharshy metr jerge gúl egiledi

2022 jyldyń 15 mamyr 2022 06:19

ALMATY. QazAqparat - Almatyda kópjyldyq jáne birjyldyq sándik ósimdikterdi otyrǵyzý jumystary bastaldy. Gúlmen ásemdeletin aýmaqtyń jalpy kólemi - 159 myń sharshy metr, sonyń ishinde 26 myń sharshy metrge kógal egiledi, dep habarlaıdy QazAqparat tilshisi.

Qalalyq ákimdik taratqan málimetke sáıkes, megapolıste raýshan, qyzylkúreń, kolambýs, abba, lavanda, sálben, qaztamaq, gortenzııa jáne ózge de ósimdikter otyrǵyzylady.

Jol jıekterinde birjyldyq gúlder ósiriledi. Olar gúldep bolǵannan keıin kelesi maýsymda ósip shyǵatyn badanalar egiledi.




«Mamandar badanaly ósimdiktermen qatar, kópjyldyq jáne birjyldyq gúlderdi de egedi. Búginde kópjyldyq ósimdikterdiń úlesin arttyrý boıynsha jumystar kezeń-kezeńmen júrgizilip jatyr. Olardyń qazirgi úlesi - 17%. 2023 jyly 60%-ǵa jetkizý kózdelgen», - dep habarlady qalalyq ákimdikten.

Gúlder klımattyq jaǵdaılarǵa, kólemi men qalpyna, gúlzarlardyń sándiligine qaraı tańdalady.




Bıyl kópjyldyq gúlder 15 mamyrǵa, birjyldyq ósimdikter 10 maýsymǵa deıin otyrǵyzylady. Al, badanaly ósimdikter qazan jáne qarasha aılarynda egiledi.

Sondaı-aq, qala boıynsha sýarý jumystaryn kúsheıtý josparlanǵan. Memlekettik-jekemenshik seriktestik aıasynda qalany sándi kógaldandyrý jumystaryna 400 maman men 50 tehnıka jumyldyrylady.

Eske sala keteıik, elorda irgesindegi jasyl aımaqqa bıyl 10 mln aǵash otyrǵyzylady.











Avtor Alma Muqanova
Basty sózder: Almaty, Ákimdik, Ekologııa,
Joǵary qaraı