Aýa raıy
Astana -2 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 16 kúnde salynǵan jańa gospıtal paıdalanýǵa berildi

2020 jyldyń 24 sáýir 2020 12:20

ALMATY. QazAqparat – Almatyda búgin koronavırýspen aýyrǵan naýqastardy emdeýge arnalǵan jańa gospıtal ashyldy, dep habarlaıdy QazAqparat tilshisi.

Jańa ǵımarattyń ashylýyna qala ákimi Baqytjan Saǵyntaev qatysty.

Bul mekeme I.S Jekenova atyndaǵy qalalyq klınıkalyq ınfektsııalyq aýrýhananyń bólimshesi bolmaq.

Bólimsheni Jedel shuǵyl medıtsınalyq kómek kórsetý aýrýhanasy basshysynyń orynbasary Maǵaz Muqashev basqaratyn boldy.

Onyń aıtýynsha, gospıtalde 270 tájirıbeli dáriger jumys isteıdi.

Gospıtal naýqastardy kelesi aptadan bastap qabyldaıtyn bolady.

Qalalyq Qoǵamdyq densaýlyq saqtaý basqarmasy basshysynyń orynbasary Ásel Bısenbaevanyń aıtýynsha, medıtsınalyq qyzmetkerler qonaq úıge ornalastyrylǵan.

«Barlyq qyzmetkerler qonaq úıge ornalastyryldy. Olardy arnaıy avtobýs jetkizetin bolady. Olardy tamaqtandyrý máselesi sheshilgen», - dedi ol.

Aýmaǵy 5850 sharshy metr bolatyn jańa gospıtal bir mezette 280 naýqas qabyldaı alady. Qarqyndy terapııa bólimine 28 oryn bólingen. Munda 28 ókpeni jeldetý apparaty bar.

Jobaǵa sáıkes, munda 281 oryndyq palata, 3 oryndyq palatalar, zerthana bólmesi, KT jáne rentgen, bronhoskopııa, ÝZD apparaty bólimi bolady. 10 bir oryndyq palatanyń esigi syrttan bolmaq.

Ár boks jeldetý júıesimen qamtylady. Aýa tazartylady. Bokstarda teris qysym jasaý arqyly batsıllalardyń dálizderge taralýyna kedergi jasalady.

Ǵımaratty 10 jyl paıdalanýǵa bolady. Karantın merzimi aıaqtalǵan soń bul nysan ákimdikke beriledi. Ári qaraı ony qaı maqsatta paıdalanýdy jergilikti bılik sheshedi. Jyldam turǵyzylatyn ǵımarat 9 baldyq jer silkinisine tótep bere alady.

Aıta ketken jón, jańa gospıtal Alataý aýdanynda boı kóterdi. Qurylys jumystary 5 sáýirde bastalǵan bolatyn. Gospıtal salý týraly sheshimdi koronavırýs ınfektsııasyna qarsy kúres maqsatynda qurylǵan QR Prezıdenti janyndaǵy tótenshe jaǵdaı rejimin qamtamasyz etý týraly Memlekettik komıssııa qabyldaǵan edi.

Bul gospıtaldi salýǵa 5,5 mlrd teńge jumsaldy.

Qurylys kompanııasy jumsalǵan shyǵyndar týraly ashyq aqparat beretinin habarlaǵan bolatyn.



























































Joǵary qaraı