Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 13 myńnan astam adam Pfizer vaktsınasyn aldy

2021 jyldyń 30 qarasha 2021 10:50

ALMATY. QazAqparat - Almaty qalasynda bir táýlikte 3 336 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«29 qarasha kúni 3336 almatylyq vaktsına saldyrdy. Koronavırýsqa qarsy ekpeniń І komponentin – 1809, II komponentin – 1527 adam aldy. Vaktsına saldyrǵandar sany boıynsha Almaty qalasy aldyńǵy orynda. Bıylǵy jyldyń 1 aqpany men 29 qarasha aralyǵynda qalada 1 022 999 turǵyn vaktsınanyń birinshi komponentin, 978 179 adam ekinshi komponentin saldyrǵan. Onyń ishinde 122 205 adamnyń jasy 60-tan asqan»,- dep habarlady basqarmadan.

Búgingi tańda Pfizer (Comirnaty) kompanııasynyń ekpesin 13 248 adam saldyrdy. Onyń ishinde 795 júkti áıel, 2 803 bala emizetin ana jáne 9 650 jasóspirim bar.

Qalada 132 pýnkt jumys istep tur. 756 adamnan turatyn 201 egý brıgadasy bar.

«Qazir medıtsına uıymdarynda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi», - dep naqtylady densaýlyq saqtaý basqarmasynyń baspasóz qyzmeti.


Joǵary qaraı