Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda 115 oqýshy koronavırýs juqtyrǵan - Bekshın

2020 jyldyń 27 qarasha 2020 14:54

ALMATY. QazAqparat – Almatyda qyrkúıek aıynan beri 115 oqýshy koronavırýs juqtyrǵan. Onyń 109 onlaın rejıminde oqyp jatqan baladan anyqtaldy. Bul týraly Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın aıtty, dep habarlaıdy QazAqparat tilshisi.

Onyń aıtýynsha, búgingi kúni megopolıstiń 200 mektebinde 1307 kezekti synyp bar.

«Almatydaǵy kezekshi synyptarda 17 myńǵa jýyq bala oqyp jatyr.Odan bólek 300 orynǵa arnalǵan 11 mektep bar. Sonymen qatar, 8 mektep-ınternat jumys isteıdi. Olardyń barlyǵy oflaın oqyp jatyr.Qazir oqýshylardyń basym bóligi onlaın bilim alýda. Bizdi osy rejım alańdatyp otyr. Sebebi, birinshi qyrkúıekten bastap indet juqtyrǵan 115 oqýshynyń 109 qashyqtan oqyp jatqandar. Qalǵan altaýy oflaın rejımdegiler.Árıne ol synyptar karantınge jabyldy»,– deıdi Jandarbek Bekshın.

Bas memlekettik sanıtar dárigerdiń pikirinshe, balalarǵa aýrýdy otbasy músheleri juqtyrǵan. Aǵa-ápkeleri men ofıste jumys isteıtin ata-anasynan juǵýy múmkin.

«Biz jumys berýshilerge usynys berdik. Qolastyndaǵy qyzmetkerlerdiń 80% qashyqtan jumys isteýge jiberý kerektigin eskerttik. Bul, eń aldymen, aýrýdyń taralýyn toqtatady. Ekinshiden ata-analar úıdegi balalardy barynsha baqylaı alady»,– dedi ol.


Avtor Alma Muqanova
Basty sózder: Koronavırýs, Aımaq, Almaty, Oqıǵa, Bilim,
Joǵary qaraı