Aýa raıy
Astana -11 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Almaty JEO-2 gazǵa aýystyrýǵa qansha qarajat kerek

2020 jyldyń 30 qazan 2020 16:38

ALMATY. QazAqparat – Almatydaǵy JEO-2 stansasy kómirden gazǵa tolyǵymen 2025 jyly kóshedi. Kógildir otynmen janatyn birinshi qazandyqtar 2023 jyly shyǵa bastaıdy, dep habarlaıdy QazAqparat tilshisi.

Joba quny shamamen 98 mlrd teńge bolmaq. Búgin ótken qoǵamdyq talqylaý barysynda osy jaıynda aıtyldy.

«Almatyda ekologııa máselesi ózekti. Qalanyń ekologııasyna áser etetin faktorlardyń eń bastysy - osy JEO-2 bóletin qaldyqtar. Bir jaǵynan bul - qaladaǵy eń úlken jylý kózi, ǵımarattardyń 50 paıyzdan astamyna osy ortalyqtan jylý beriledi», - dedi «Almaty elektrostansalary» AQ basqarma tóraǵasynyń orynbasary jáne bas ınjeneri Ǵazıı Ismuhambetov.

Onyń aıtýynsha, ortalyqty modernızatsııalaýdyń 4 joly bar.

Instıtýt usynǵan esepteýlerdiń nátıjesinde birinshi nuqsa qabyldandy. ıAǵnı, kómirmen jumys isteıtin qazandyqtar gazǵa aýystyrylatyn boldy. Kelisim shartqa sáıkes jyl sońyna deıin ınstıtýt tehnıkalyq ekonomıkalyq qujattama ótkizedi.

«Bıyl biz memlekettik saraptamaǵa tehnıkalyq ekonomıkalyq qujattama ótkizip jatyrmyz. Qurylys jumystary 2023 jyly bastalady. Sol kezde biz qazandyq agregattaryn turǵyndardy jylýdan ajyratpaı-aq birtindep kóshire alamyz. Ár qazandyqty kóshirýge jarty jyl ýaqyt ketedi. Tolyq jumys 2025 jyly aıaqtalady. Joba quny - 98 mlrd teńge», - dedi spıker.

Gazıı Ismuhambetov JEO-2 gazǵa kóshken jaǵdaıda jylý tarıfi kóteriletinin aıtty.

«Tarıf boıynsha Samuryq Qazyna qory men Úkimet, Almaty ákimdigi qarjylandyrý máselesin sheship jatyr. Eýrazııalyq qaıta qurý banki, basqa da banktermen kelissózder júrip jatyr. Osy talqylaýlardan soń ǵana naqty sandy aıta alamyz», - dedi ol.

«KazNIPIEnergoprom» AQ bas ınjeneri Maksım Vasılevtiń aıtýynsha, 98 mlrd teńge aldyn ala esepteý boıynsha shyǵarylǵan soma. Bul soma jobany júzege asyrý barysynda ózgeretin bolady.

Onyń aıtýynsha, rekonstýrktsııalyq jumystardan soń aýaǵa shyǵarylatyn zııandy qospalar 5,5 ese kemıdi. Ásirese, kómirden shyǵatyn kúkirt dıoksıdi azaıady.

«Qazir aýa basseınine shyǵatyn qospalar jylyna 38 myń tonna bolsa, bizdiń esebimiz boıynsha 6 myń tonnaǵa azaıady», - dedi Maksım Vasılev.


Avtor Gúlmıra Ǵosmanálı
Basty sózder: Almaty, Ekologııa, Gaz,
Joǵary qaraı