«Almaty jastary» turǵyn úı baǵdarlamasyna ótinim qabyldaý 10 naýryzdan bastalady

ALMATY. QazAqparat – Qaladaǵy jastardyń turǵyn úı problemasyn sheshetin «Almaty jastary» baǵdarlamasyna qatysýǵa ótinim 10 naýryzdan bastalady. Bul týraly QazAqparat «Otbasy bankiniń» jelidegi paraqshasyna silteme jasap habarlaıdy.

Almaty jastary» baǵdarlamasyna qatysýǵa ótinim 10-31 naýryz aralyǵynda júrgiziledi.

Baǵdarlama boıynsha nesıe mólsherlemesi-5%;
Bastapqy jarna-10%
Qatysýǵa ótinimdi: www.almaty-zhastary.kz saıty arqyly berýge bolady.
Sonymen qatar, endi úırenshikti 13 mıllıonnyń ornyna nesıe somasy 18 mıllıon teńgege deıin ózgertildi.
Qaı sanattaǵy azamattar qatysa alady?
• Medıtsına qyzmetkerleri;
• Bilim berý qyzmetkerleri;
• Mádenıet qyzmetkerleri;
• Sport qyzmetkerleri;
• Joǵary oqý orny qyzmetkerleri;
• Áleýmettik sala qyzmetkerleri;
• BAQ qyzmetkerleri;
• Quqyq qorǵaý organdarynyń qyzmetkerleri.
Bıyl bıýdjettik uıymdardyń barlyq qyzmetkerleri qatysatyn bolady.
Mysaly, eger ótken jyly mektepte jumys istegen býhgalter qatysa almasa, bıyl ol ótinish bere alady.
Negizgi talaptar:
• Almatyda kem degende 6 aı jumys jasaý;
• Ótinish berýshiniń jáne onymen turaqty túrde turatyn otbasy músheleriniń atynda sońǵy 5 jylda Qazaqstan Respýblıkasynyń aýmaǵynda menshik quqyǵynda jyljymaıtyn múliktiń bolmaýy;
• 35 jasqa deıingi/35 jasqa tolǵan jastar.