Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Almaty jastary» baǵdarlamasyna qujat qabyldaý bastaldy

2022 jyldyń 18 mamyr 2022 10:56

ALMATY. QazAqparat - «Almaty jastary» jeńildetilgen turǵyn úı baǵdarlamasyna ótinishter qabyldaý bastalady, dep habarlaıdy QazAqparat tilshisi.

Baǵdarlama boıynsha ótinimder men qujattar 1 maýsymǵa deıin almaty-zhastary.kz veb-saıty arqyly qabyldanady.

Saıtta ótinishter men qujattardy qabyldaý elektrondy tsıfrly qoltańba arqyly júzege asady. Avtomatty ball qoıý úshin elektrondy kalkýlıator engizilgen. Jeke kabınet arqyly ótinishtiń barysymen tanysýǵa bolady. Qujattardy qabyldaý 1 maýsymda saǵat 23:59-da aıaqtalyp, 20 jumys kúni ishinde baǵdarlama talaptaryna sáıkestigi tekseriledi. Odan keıin árbir sanat boıynsha jınalǵan eń joǵary upaı sanyna sáıkes tizim jasalady.

Baǵdarlamanyń bıýdjetine 18 mlrd teńge qarastyrylyp otyr. Al nesıeniń eń joǵary somasy – 18 mln teńgege deıin. Syıaqy mólsherlemesi – 5, bastapqy jarnasy – 10 paıyz. Qatysýshynyń jańa salynǵan nemese qoldanystaǵy turǵyn úı naryǵynan 45 kúntizbelik kún ishinde úı tańdaý múmkindigi bar. Baǵdarlamaǵa qamtylatyndar sany 1 myńǵa jýyq.

Tańdalǵan turǵyn úıdiń qujattary turǵyn úı qaryzyn berý múmkindigin qaraý úshin «Otbasy bank» AQ-na usynylady. «Otbasy bank» AQ maquldaýyn alǵannan keıin satyp alý-satý shartyn jáne kepil shartyn rásimdeý jáne tirkeýdi júzege asyrady.

Ótinish bere alatyn azamattar sanatyna Almatydaǵy memlekettik qalalyq jáne respýblıkalyq mekemede eńbek etetinder, dárigerler men meıirbıkeler, pedagogtar men tárbıeshiler, ártister, jazýshylar, mádenıet salasynyń mamandary, jattyqtyrýshylar men sportshylar, JOO oqytýshylar men ǵylymı qyzmetkerler, áleýmettik sala mamandary: jýrnalıster men BAQ qyzmetkerleri (memlekettik jáne kommertsııalyq), óndiristik salada eńbek etetinder kiredi.

Aıta keteıik, «Almaty jastary» baǵdarlamasyna qatysý úshin qalada turaqty tirkelý mindetti emes.


Avtor Alma Muqanova
Basty sózder: Jastar, Turǵyn úı, Almaty,
Joǵary qaraı