Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty tragedııasy: Zaqym kelgen nysandardy qalpyna keltirý bastaldy

2022 jyldyń 17 qańtar 2022 18:03

ALMATY. QazAqparat - Almatyda qańtar aıynyń basynda bolǵan jappaı tártipsizdikten keıin 243 nysan qaıta jóndeýdi qajet etedi. Onyń 27-si memlekettik mekemelerge tıesili bolsa, 216-sy bıznes nysandar. Bul týraly Almaty qalasy ákiminiń orynbasary Muhıt Ázirbaev aıtty, dep habarlaıdy QazAqparat tilshisi.

Muhıt Ázirbaevtyń málimetinshe, búgingi kúnge 216 bıznes nysanynyń 206-sy tekserildi. Úsh nysanǵa kúrdeli jóndeý qajet. Olar: «Mereı» saýda úıiniń qoıma ǵımaraty, «Mır 24» TRK ǵımaraty, Das Auto Service ǵımaraty. Qurylys montajdaý jumystarynyń quny anyqtalýda. 203 nysan aǵymdaǵy jóndeýdi qajet etedi. Onyń 8-i menshik ıeleriniń óz qarajaty esebinen qalpyna keltirildi. 127 nysan boıynsha aldyn ala shyǵyn somasy 56 mln teńgeni qurady.

«Akkredıttelgen uıymdar tehnıkalyq tekserý, aqaýlar aktisi men smetalyq esepterdi daıyndaý jumystaryn jalǵastyrýda. 10 nysan boıynsha tekserý júrgizý jáne ruqsat alý úshin menshik ıelerin izdeý júrgizilýde», - dedi qala ákiminiń orynbasary.

Muhıt Ázirbaev energııa tıimdiligin basqarý boıynsha 8 nysanda qurylys montajdaý jumystary qaıta bastalǵanyn aıtty. 19 nysan qysqy kezeńge toqtatyldy. Sondaı-aq jeke qurylys salýshylardyń barlyq 143 nysanynda qurylys montajdaý jumystary qaıta jandandy.


Joǵary qaraı