Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty tragedııasy: 405 qylmystyq is tergelip jatyr

2022 jyldyń 17 qańtar 2022 11:20

ALMATY. QazAqparat - Almaty qalasynyń prokýrory Berik Júıriktaev megapolıstegi qoǵamdyq qaýipsizdikti qalpyna keltirý jumystary týraly aıtty, dep habarlaıdy QazAqparat tilshisi.

Onyń aıtýynsha, qaladaǵy jaǵdaı turaqtaldy. Qazir tájirıbeli quqyq qorǵaý organdarynyń arasynan qurylǵan jedel top jumys istep jatyr.

«Qazir quqyq qorǵaý organdary 405 qylmystyq isti tergep jatyr. Qaraqshylar men terrorısterge qatysty jaza tergeýdiń qorytyndysy boıynsha qabyldanady. Oqıǵa ornynan kóptegen dálelder, zattaı aıǵaqtar men qylmys izderi alyndy. Prokýratýra adam quqyqtary jónindegi ýákilmen, úkimettik emes uıymdarmen, advokattar alqasymen birlese otyryp, qylmystyq protsestiń barlyq satylarynda azamattardyń konstıtýtsııalyq quqyqtaryn qamtamasyz etý boıynsha jumys júrgizýde. Biz azamattardyń barlyq ótinishterine jaýap beremiz. Bizde senim telefony bar», - dedi qala prokýrory.

Sonymen qatar, ol turǵyndar anonımdi túrde vıdeo nemese sýrettermen bólise alatyn «Terrorızmdi toqtatý» ınternet-resýrsy qurylǵanyn málim etti.

«Búgingi kúni ýaqytsha ustaý ızolıatorynan 91 adamdy bosattyq. 100 tulǵanyń jazasy ákimshilik túrde jeńildetildi. Bul jumys jalǵasyn tabady»,- deıdi Berik Júıriktaev.


Joǵary qaraı