Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty taýlarynda qaýipti 8 morınaldy kól bar

2021 jyldyń 12 mamyr 2021 22:40

ALMATY. QazAqparat - Baqytjan Saǵyntaev «Almaty» telearnasynyń tikeleı efırinde sel aǵystary men órt bolǵan kezde qalanyń qaýipsizdigin qamtamasyz etý sharalary jóninde aıtty, dep habarlaıdy QazAqparat tilshisi.

Mamandardyń usynystaryna sáıkes taýly aýdandarda sel qaýipsizdigin qamtamasyz etý júıesi modernızatsııalanýda. Bul klımattyń ózgerýine, seldiń áserine ushyraǵan aýmaqtar shekaralarynyń keńeıýine, sonymen qatar sel qubylystary týraly jańa bilimderdiń jınaqtalýyna, selden qorǵaý qurylymdarynyń tıimdiligine, jańa tehnologııalardyń paıda bolýyna baılanysty.

Qala mańynda 45 morendi kól bar, onyń 15-i turaqsyz dep sanalady, al 8-i óte qaýipti, munda jyl saıyn olardy bosatý úshin preventıvti jumystar júrgiziledi.

«Sondaı-aq, Aıýsaı jáne Aqsaı shatqaldarynda 2023 jylǵa deıin aıaqtaýly tıis eki sel bógetiniń qurylysy bastaldy. Bógetterdiń qurylysy 40 myńnan astam halyqtyń jáne ınfraqurylym men tirshilikti qamtamasyz etetin nysandardyń qaýipsizdigin qamtamasyz etedi. Selge qarsy qaýipsizdikti qamtamasyz etý kezinde zamanaýı tehnıkalyq quraldar qoldanylady. Kishi jáne Úlken Almaty, Qarǵaly jáne Aqsaı ózenderiniń basseınderinde sel monıtorınginiń avtomattandyrylǵan júıesin engizý boıynsha jumystar júrýde»,- dedi Baqytjan Saǵyntaev.

Joba aıasynda «Qazseldenqorǵaýda» jáne Tótenshe jaǵdaılar departamentinde avtomattandyrylǵan jumys oryndary bar 31 stantsııa salynýda. 2019 jyly 10 stantsııa iske qosyldy, qalǵan 21-i bıyl paıdalanýǵa beriledi.

«Órt qaýipsizdigin qamtamasyz etý maqsatynda qalada qajetti ınfraqurylymdy qurý boıynsha sharalar qabyldanyp jatyr. Sońǵy 5 jylda 58 birlik avtokólik satyp alyndy. Bıyl qosymsha 40 birlik satyp alý josparlanyp otyr, bul órt sóndirý mashınalary parkiniń jabdyqtalýyn 52%-dan 65%-ǵa deıin arttyrady»,- deıdi qala basshysy.

Sonymen qatar, ol qalanyń ósip kele jatqan aýmaqtarynda qaýipsizdikti qamtamasyz etý maqsatynda órtke qarsy tolyq aýqymdy jáne tıimdi jumys jasaý úshin 18 depo salý qajet ekenin atap ótti. Qazirdiń ózinde úsh órt sóndirý deposynyń qurylysy júrip jatyr, Alataý jáne Naýryzbaı aýdandaryndaǵy eki deponyń qurylysy aıaqtalyp qaldy.


Joǵary qaraı