Almaty polıtsııasy páterlerdi jalǵa beretin oryndarǵa reıd júrgizip jatyr

ALMATY. QazAqparat – Polıtsııa qyzmetkerleri Abylaı han jáne Raıymbek dańǵyldarynyń boıynda arnaıy reıd júrgizip jatyr, dep habarlaıdy QazAqparat tilshisi.

«Jyldyń basynan beri Almaly aýdannyń aýmaǵynda 50-den astam jergilikti reıd ótkizildi. Nátıjesinde 300-den astam adam azamattardy mazalaǵany úshin ákimshilik jaýapkershilikke tartyldy. Sonymen qatar, Abylaı han dańǵylynyń boıynda páter jalǵa berýmen aınalysqan 20 adam polıtsııa bólimshesine jetkizildi. Onyń birnesheýinde ǵana osy qyzmetpen aınalysýǵa patenti bar, qalǵany - salyq tóleýden jaltaratyn qosalqy jaldaýshylar», - deıdi Almaly aýdandyq polıtsııa basqarmasynyń bastyǵy Esen Ysqaqov.

Onyń aıtýynsha, jalǵa berýshiler paıda tabýǵa umtylyp, jalǵa alýshylardyń ádeptiligine kóz jetkizýge asyqpaıdy.

«Іs júzinde izdeýde júrgen qylmyskerler páterlerdi saǵattyq jáne táýlikke jıi jaldaıdy. Sondyqtan reıd kún saıyn ótkizilip turady. Іs-shara Almaly aýdanynan bólek Jetisý jáne Túrksib aýdandarynda da ótedi», - deıdi E. Ysqaqov.