Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Almaty polıtsııasy kúsheıtilgen jumys rejımine kóshti

2020 jyldyń 23 qarasha 2020 20:28

ALMATY. QazAqparat –Almaty polıtsııasy kúsheıtilgen jumys rejımine kóshti, dep habarlaıdy QazAqparat tilshisi.

Almaty qalalyq Polıtsııa departamenti baspasóz qyzmetiniń málimetinshe, 23-30 qarasha aralyǵynda «Quqyq tártibi» respýblıkalyq jedel aldyn alý-sharasy ótedi. Osyǵan baılanysty Almaty polıtsııasy kúsheıtilgen jumys tártibine kóshirildi.

«Atalǵan is-sharaǵa polıtsııa qyzmetkerlerimen qosa, Ulttyq ulan sarbazdary da jumyldyrylady. Shara barysynda qoǵamdyq tártipti qadaǵalaý úshin polıtsııanyń jeke quramy kúsheıtilgen jumys tártibine kóshirildi. Qala boıynsha polıtsııa narıadtary kóbeıtilip, «Quqyq buzýshylyqqa nóldik tózimdilik» qaǵıdasy boıynsha tártip saqshylary jáne áskerı qyzmetkerler kósheler men aýlalarda, saıabaqtarda, saıajaılarda jáne ózge de qoǵamdyq oryndarda reıdttik jumystar júrgizedi. Sondaı-aq kóshi-qon zańdaryn buzyp, el aýmaǵyna keletin kelimsekterdi anyqtaý úshin qurylys alańdary men tamaqtaný oryndary tekseriledi»,– dedi Almaty qalalyq Polıtsııa departamentiniń jergilikti polıtsııa qyzmetiniń bastyǵy Manap Sattarov.

Spıkerdiń aıtýynsha, arnaıy esepte turatyn adamdar men azamattyq qarý ıeleri de polıtsııanyń nazarynan tys qalmaıdy. Al Jedel basqarma qyzmetkerleri páter tonaý, kólik urlyǵy sııaqty qylmystar jasaıtyn qylmystyq toptar men iz-túzsiz joǵalǵan adamdardy jáne buryn qylmys jasap izdeý jarııalanǵan adamdardy anyqtaýǵa baǵyttalǵan jumystardy júzege asyrady, – dedi Almaty qalalyq Polıtsııa departamentiniń jergilikti polıtsııa qyzmetiniń bastyǵy Manap Sattarov.

Sonymen qatar, ol keń kólemde uıymdastyrylyp otyrǵan shara qylmystyq ahýaldy turaqtandyrýǵa, qylmystar men quqyq buzýshylyqtardyń aldyn alýǵa baǵyttalǵanyn jetkizdi.

Avtor Alma Muqanova
Basty sózder: Basqa memorgandar, Almaty, Aımaq,
Joǵary qaraı