Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty-Óskemen tasjolynda jantúrshigerlik kólik apatynan bir adam mert boldy

2021 jyldyń 8 jeltoqsan 2021 16:40

TALDYQORǴAN. QazAqparat - Almaty-Óskemen tasjolynda jantúrshigerlik kólik apatynan bir adam mert boldy. Taǵy bir adam túrli dene jaraqatymen aýrýhanaǵa tústi, - dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, oqıǵa 7-jeltoqsan kúni túngi saǵat 23:00 shamasynda bolǵan. Almaty-Óskemen tasjolynyń 71-shaqyrymynda «Mercedes-Benz 814» kóligi soltústik baǵytpen kele jatyp, baǵdarshamda turǵan «Toyota Caldina» kóligine soǵylǵan. Saldarynan «Toyota Caldina» kóliginiń jolaýshysy oqıǵa ornynda mert boldy. Dál osy kóliktiń 39 jastaǵy júrgizýshisi túrli dene jaraqatymen aýrýhanaǵa tústi.

«Qazir atalǵan fakti boıynsha QR QK 345 baby 3- bóligine sáıkes tergeý bastaldy. Qajetti saraptamalar taǵaıyndaldy»,- dep tolyqtyrdy atalǵan vedomstvonyń baspasóz qyzmetinen.

Vedomstvonyń aqparatyna sáıkes, «Toyota Caldina» kóligi toqtaýǵa ruqsat etilmegen jerde turǵan.


Avtor Samal Qabysheva
Basty sózder: Almaty oblysy, Oqıǵa, Kólik, Aımaq,
Joǵary qaraı