Almaty oblysynyń jastar basqarmasyna jańa basshy taǵaıyndaldy

TALDYQORǴAN. QazAqparat - Almaty oblysy ákiminiń ókimimen Eldar Qaısaruly Saparov Almaty oblysynyń jastar saıasaty máseleleri jónindegi basqarmasynyń basshysy bolyp taǵaıyndaldy, - dep habarlaıdy QazAqparat tilshisi.

Eldar Saparov 1991 jyly týǵan. І. Jansúgirov atyndaǵy Jetisý memlekettik ýnıversıtetin ekonomıka bakalavry boıynsha bitirgen, 2015 jyly ekonomıka ǵylymdarynyń magıstri dárejesin alǵan, 2019 jyly PhD doktorantasyn aıaqtady. Túrkııa men Polsha joǵary oqý oryndarynda ǵylymı taǵylymdamadan ótti.

Eńbek jolyn І. Jansúgirov atyndaǵy JMÝ-da jastar saıasaty jáne tárbıe jumysy bóliminiń mamany bolyp bastaǵan. Ár jyldarda JMÝ-da jastar saıasaty jáne tárbıe jumysy bóliminiń basshysy, «Almaty oblysynyń jastar saıasaty jónindegi ortalyǵy» KMM «Taldyqorǵan qalasynyń jastary» fılıalynyń jetekshisi, І.Jansúgirov atyndaǵy JMÝ rektorynyń kómekshisi, prorektordyń tárbıe jónindegi orynbasary, kafedra oqytýshysy, «Almaty oblysynyń Azamattyq alıansy» ZTB-nyń atqarýshy dırektory, Almaty oblysynyń ishki saıasat basqarmasynyń «Taldaý jáne boljaý ortalyǵy» KMM basshysy boldy.

2020 jyldyń qazan aıynan – Taldyqorǵan qalasynyń ishki saıasat bóliminiń jetekshi mamany qyzmetin atqarýda.