Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń Tótenshe jaǵdaılar departamentine jańa basshy taǵaıyndaldy

2020 jyldyń 25 qarasha 2020 13:00

TALDYQORǴAN. QazAqparat - Almaty oblysynyń Tótenshe jaǵdaılar departamentine jańa basshy taǵaıyndaldy, dep habarlaıdy QazAqparat tilshisi.

Almaty oblysyna jumys saparymen QR Tótenshe jaǵdaılar vıtse-mınıstri Marat Kúldikov keldi. V ıtse-mınıstr Almaty oblysy Tótenshe jaǵdaılar departamentiniń birqatar bólimshesin aralap, tehnıkalyq baza, avarııalyq-qutqarý jumysyn júrgizý daıyndyǵy , TJ aldyn alý jáne joıý boıynsha júrgizilip jatqan jumystarmen tanysty. Qapshaǵaı qutqarý bólimshesine sapary barysynda ol bıyl jergilikti bıýdjet esebinen satyp alynǵan «Slavır-9Ý» sý jastyqshasy bar keme» biregeı tehnıkasynyń tıimdiligin atap ótti. Bul tehnıka sý betinde de, muzda avarııalyq-qutqarý júrgizýge arnalǵan.











TJ vıtse-mınıstri oblys ortalyǵy Taldyqorǵan qalasyna kelgennen keıin Almaty oblysynyń ákimi Amandyq Batalovqa departamenttiń jańa basshyny tanystyrdy. Sondaı-aq ony beınekonferentsııalyq baılanys arqyly TJD jeke quramyna tanystyrdy.

Almaty oblysy TJD bastyǵy bolyp Asqar Toıshybekov taǵaıyndaldy. Buǵan deıin Asqar Tasbolatuly Almaty oblysy TJD bastyǵynyń orynbasary qyzmetin atqarǵan. Azamattyq qorǵaý organdaryndaǵy eńbek jolyn 1992 jyly bastaǵan.

Oblys ákimimen kezdesý barysynda Marat Kúldikov oblys ákimdigi tarapynan TJM aýmaqtyq bólimshelerine qajetti barlyq zamanaýı tehnıka men jabdyqty satyp alý, sondaı-aq Kegen aýdanynyń Kegen aýylynda jáne Raıymbek aýdanynyń Narynqol aýylynda 2 órt sóndirý deposynyń qurylysy boıynsha kórsetip jatqan materıaldyq qoldaýdy atap ótti.

Vıtse-mınıstr TJD bastyǵynyń aldyna aldaǵy kezeńge, atap aıtqanda tabıǵı jáne tehnogendik sıpattaǵy túrli TJ aldyn alý jáne sanyn azaıtý boıynsha naqty mindetter qoıdy.








Joǵary qaraı