Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń taýlarynda adasqan eki qyz qutqaryldy

2021 jyldyń 20 maýsym 2021 18:30

TALDYQORǴAN. QazAqparat - Almaty oblysynyń taýlarynda eki qyz adasyp ketti. Olardy respýblıkalyq jedel-qutqarý jasaǵynyń qyzmetkerleri izdep taýyp, qutqardy, dep habarlaıdy QazAqparat tilshisi.

Respýblıkalyq jedel-qutqarý jasaǵyna taýda eki qyzdyń joǵalǵany týraly aqparat 19 maýsymda túsken. Eki qurby Býkreev shyńyna kóterilip, qaıtarda Býtakovka shatqalymen qaıtýdy josparlaıdy. Alaıda áńgimelesip kele jatyp, baǵytynan jańylyp, adasyp qalǵan. Qyzdar kóp oılanbastan qutqarýshylardyń kómegine júgingen. Aqparat túse salysymen arnaıy jasaq iıisshil ıtpen birge Pıoner shyńy arqyly qyzdardy izdeýge shyqqan. Týrıster geolokatsııalyq málimetterin jibergen. Qutqarýshylar kóp uzamaı olardy teńiz deńgeıinen 1900 metr bıiktikten taýyp, kómek kórsetti.

Respýblıkalyq jedel-qutqarý otrıady baspasóz qyzmetiniń málimetinshe, taýda jaýǵan jańbyrdan saıahatshylar sý bolyp, muzdaǵan. Arnaıy jasaq qyzmetkerleri boıjetkenderge ystyq shaı, qurǵaq kıim berip, qalaǵa aman jetkizgen.


Avtor Samal Qabysheva
Basty sózder: Almaty oblysy, Oqıǵa,
Joǵary qaraı