Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń shalǵaı jatqan aýdanyna gaz qubyry tartyldy

2021 jyldyń 27 qarasha 2021 10:20

TALDYQORǴAN. QazAqparat -Almaty oblysynda shalǵaı jatqan Balqash aýdanyna 51,2 km gaz qubyry tartyldy, dep habarlaıdy QazAqparat tilshisi.

Oblystyq energetıka jáne turǵyn úı-kommýnaldyq basqarmasynyń málimetine qaraǵanda, Baqanas aýylynda tabıǵı gazǵa qosylýǵa 2137 abonent múmkindik aldy. 500-den astam úı kógildir otynǵa qosylýǵa daıyn.

Balqash aýdanynyń Aqdala aýylyna gaz jetkizý qubyrynyń jáne gaz taratý qubyry qurylysynyń jobasy aıaqtalýǵa jaqyn.
Sol sııaqty Alakól, Aqsý, Sarqan aýdandaryn gazdandyrý úshin «Qapal», «Jansúgirov», «Sarqan», «Qoılyq», «Qabanbaı» jáne «Úsharal» AGTS-taryna burylatyn «Taldyqorǵan-Úsharal» magıstraldy gaz qubyry qurylysynyń» jobalyq-smetalyq qujattary (JSQ) daıyndalyp jatyr. Gaz qubyry trassasynyń jalpy uzyndyǵy 318 km bolady. «Taldyqorǵan - Úsharal» magıstraldy gaz qubyrynan barlyǵy 148 eldi mekenge gaz jetkiziledi, ıaǵnı 156,4 myń adam gazben qamtylady.
Sol sııaqty Raıymbek pen Kegen aýdandarynyń aýyldaryn gazdandyrý úshin «Shelek-Kegen-Narynqol» magıstraldy gaz qubyry qurylysynyń» JSQ daıyndalýda. Bul maqsatqa oblystyq bıýdjetten 316,3 mln teńge bólindi. Sonyń nátıjesinde 17,4 myń halyq turatyn 23 eldi meken gazdandyrylady.
Jalpy osyndaı jumystardyń nátıjesinde kelesi jyly Almaty oblysynyń gazdandyrylý deńgeıin 64%-ke jetkizý josparlanǵan.


Joǵary qaraı