Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń perınataldyq ortalyǵyna 16 dana reanımatsııalyq qural-jabdyq syıǵa berildi

2021 jyldyń 16 qyrkúıek 2021 02:32

TALDYQORǴAN. QazAqparat - «Aıala» qaıyrymdylyq qory Taldyqorǵandaǵy perınataldyq ortalyqqa 16 dana reanımatsııalyq jabdyq tartý etti. Qaıyrymdylyq sharasy «Ómir syılaıyq» respýblıkalyq jobasy aıasynda júzege asyryldy, - dep habarlaıdy QazAqparat tilshisi.

Medıtsınalyq mekeme 16 birlik medıtsınalyq tehnıka aldy. Atap aıtqanda 1 ashyq reanımatsııalyq júıe, 5 fetaldy monıtor jáne 10 fototerapııa shamdary bar.

Qurylǵylar qordyń turaqty demeýshileri men qarapaıym halyqtyń jınaǵan qarjysy, sondaı-aq belgili bir merzim ishinde uıymdastyrylǵan arnaıy aktsııa barysynda jınalǵan qarajatqa alyndy.

«Bizdiń basty mindetimiz - árbir otbasynyń deni saý balaly bolýyna kómektesý. Sondyqtan biz emdeý jumystaryn ortalyqtyń qabyrǵasyndaǵy barlyq bosanýdyń aman-esen ótýine jáne barlyq balalardyń deni saý týýyna baǵyttaımyz. Biz reanımatsııa bólimine qural-jabdyqtar satyp alýǵa kómektesken «AYALA« qoryna jáne barlyq qazaqstandyqtarǵa alǵysymyzdy bildiremiz. Zamanaýı medıtsınalyq tehnologııalar bizdiń mamandarǵa jańa týǵan nárestelerge sapaly kómek kórsetýge, sondaı-aq perınataldyq shyǵyndar men bala kezden bastap múgedektik qaýpin azaıtýǵa kómektesedi», - dep atap ótti Almaty oblysy Perınataldyq ortalyǵynyń dırektory Qanat Qalıqanuly Jumashev.

Avtor Samal Qabysheva
Basty sózder: Medıtsına, Almaty oblysy,
Joǵary qaraı