Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń Kerbulaq aýdanynda sel júrdi

2021 jyldyń 16 shilde 2021 13:10

ALMATY. QazAqparat - Almaty oblysynyń Kerbulaq aýdanynda nóser jańbyrdan keıin qatty sel júrdi, dep habarlaıdy QazAqparat tilshisi.

Seldiń vıdeosy áleýmettik jelide tarady.

Almaty oblysynyń tótenshe jaǵdaılar departamentiniń málimetinshe, sel 14 shilde kúni saǵat 16.00-den 17.00-ge deıin Almaty oblysy Kerbulaq aýdany Kóksý aýyldyq okrýginde boldy.

«Kóksý shatqalynda jańbyr men burshaq túrindegi qatty jaýyn-shashynnyń saldarynan balshyq aǵyny júrip ótti. Osyǵan baılanysty Kóksý orman sharýashylyǵynyń birinshi kordonyna aparatyn jol jabyldy. Qazir sel toqtady. Jol tazartyldy. Zardap shekkender joq», - dep habarlady oblystyq tótenshe jaǵdaılar departamentinen.

Almaty oblysynyń tótenshe jaǵdaılar departamenti kún saıyn oblys aýmaǵynda ótkinshi jańbyr jaýyp, naızaǵaı oınap, jel bolatyny týraly eskertý jarııalaıdy.



Joǵary qaraı